Bengaluru stampede प्रकरणात मोठे अपडेट्स, नैतिक जबाबदारी घेत दोघांचे राजीनामे

KSCA Officials Step Down, Opposition Demands CM's Resignation : रॉयल चॅलेंजर्स बंगळुरूने इंडियन प्रीमिअर लीग २०२५ चे जेतेपद पटकावले आणि त्यानंतर दुसऱ्याच दिवशी बंगळुरू विजय मिरवणुक काढण्याचा निर्णय घेतला. पण, तिथे सर्व गोंधळ झाला चिन्नास्वामी स्टेडियमबाहेर झालेल्या चेंगराचेंगरीत ११ जणांचा मृत्यू झाला. त्यानंतर राजकारण तापले, पोलिस तक्रार झाली आणि RCB च्या व्यवस्थापनातील काहींना अटकही झाली. त्यात आता कर्नाटक राज्य क्रिकेट असोसिएशन (KCA ) चे सचिव ए शंकर आणि कोषाध्यक्ष ईएस जयराम यांनी बुधवारी चेंगराचेंगरीची "नैतिक जबाबदारी" असल्याचे सांगत त्यांच्या पदावरून राजीनामा दिला आहे. राजीनामे पत्रे केएससीएचे अध्यक्ष रघुराम भट यांना सादर करण्यात आली आहेत .