भाजपने या वर्षाच्या सुरुवातीला पाच राज्यांमध्ये झालेल्या विधानसभा निवडणुकीत 340 कोटी रुपये खर्च केले आहेत. भाजपने सर्वाधिक खर्च यूपीमध्ये झालेल्या निवडणूकीत खर्च केला. तर काँग्रेसने याच राज्यांमध्ये प्रचारावर 194 कोटी रुपयांहून अधिक रूपये खर्च केला. ही माहिती दोन्ही प्रमुख पक्षांच्या निवडणूक खर्चाच्या अहवालात देण्यात आली आहे.
भाजपने निवडणूक आयोगाकडे दाखल केलेल्या आणि सार्वजनिक केलेल्या अहवालानुसार, पक्षाने उत्तर प्रदेश, उत्तराखंड, मणिपूर, गोवा आणि पंजाबच्या विधानसभा निवडणुकीत प्रचारासाठी एकूण 340 कोटी रुपये खर्च केले. भाजपच्या निवडणूक खर्चाच्या अहवालानुसार, यूपीमध्ये सर्वाधिक 221 कोटी रुपये, मणिपूरमध्ये 23 कोटी रुपये, उत्तराखंडमध्ये 43.67 कोटी रुपये, पंजाबमध्ये 36 कोटी रुपये आणि गोव्यात 19 कोटी रुपये खर्च केले आहेत.
तसेच काँग्रेसने दाखल केलेल्या अहवालात वरील पाच राज्यांच्या निवडणुका आणि संबंधित कामांसाठी 194 कोटी रुपयांहून अधिक खर्च झाल्याचे म्हटले आहे. काँग्रेस आणि भाजप हे राष्ट्रीय पक्ष आहेत. लोकसभा आणि विधानसभा निवडणुका लढवणाऱ्या पक्षांनी त्यांचा निवडणूक खर्चाचा अहवाल मुदतीत निवडणूक आयोगासमोर सादर करणे आवश्यक आसते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
