काम देतो, ११ लाख दे! भाजप आमदाराची कंत्राटदाराकडे मागणी, ५ लाखांवर तडजोड; लाच घेताना अटक

एका कंत्राटदाराकडून पाच लाखांची लाच स्वीकारताना भाजप आमदारासह त्यांच्या स्वीय सहाय्यकाला अटक करण्यात आल्यानं खळबळ उडालीय. कर्नाटकातील गडग जिल्ह्यात लोकायुक्त पोलिसांनी ही कारवाई केली. चंद्रू लमाणी असं अटक करण्यात आलेल्या आमदाराचं नाव आहे. लोकायुक्तांनी सापळा रचून आमदारासह त्यांच्या स्वीय सहाय्यकांना रंगेहाथ पकडलं. या प्रकरणी आमदाराची चौकशी केली जात आहे.