तेलंगणामध्ये भाजपला मोठा धक्का बसला आहे. गोशामहलचे आमदार टी राजा सिंह यांनी भाजपचा राजीनामा दिला आहे. टी राजा सिंह तेलंगणा भाजप अध्यक्षपदासाठी निवडणूक लढवू इच्छित होते. त्यांनी आपला राजीनामा तेलंगणा भाजप अध्यक्ष जी किशन रेड्डी यांना पाठवला आहे. वादग्रस्त विधानांसाठी प्रसिद्ध असलेले गोशामहलचे आमदार राजा सिंह यांनी राज्यातील नेतृत्व वादाच्या पार्श्वभूमीवर भाजप सोडण्याची घोषणा केली आहे. यामुळे आता राजकारणात खळबळ उडाली आहे.