ITBP Bus Accident : जवानांना घेऊन जाणारी बस दरीत कोसळली; सहा जवान शहीद

ITBP Bus Accident : जम्मू-काश्मीरमधील पहलगाममध्ये एक मोठी दुर्घटना घडली आहे. पहलगामच्या चंदनबाडीमध्ये आयटीबीच्या जवानांना घेऊन जाणारी बस दरीत कोसळून अपघात झाला आहे. या दुर्घटनेत सहा जवान शहीद झाले आहेत, तर अनेक जण जखमी झाले आहेत. या घटनेत मृतांचा आकाडा वाढण्याची भीती व्यक्त केली जात आहे. बसचे ब्रेक फेल झाल्याने ती अनियंत्रित होऊन खोल दरीत कोसळल्याचे सांगण्यात येत आहे. सर्व जवान चंदनवाडीहून पहलगामच्या दिशेने जात होते. त्यावेळी हा अपघात घडला.

घटनास्थळी बचाव आणि मदत कार्य युद्ध पातळीवर सुरू करण्यात आले आहे. अपघातग्रस्त बसमध्ये इंडो-तिबेट बॉर्डर पोलीस दलाचे (ITBP) 37 आणि जम्मू-काश्मीर पोलीस दलाचे दोन असे 39 जण प्रवास करत होते. त्यावेळी अचानक पहलगाममधील फ्रिसलन येथे बस दरीत कोसळली. अमरनाथ यात्रेच्या सुरक्षेसाठी जवान तैनात करण्यात येणार होते. त्यासाठी या सर्व जवानांना घेऊन ही बस पहलगामहून चंदनवाडी येथे निघाली होती. त्यावेळी अचानक फ्रिसलन येथे बस 200 फूट दरीत कोसळली.