Chandigarh Deputy Mayor Elections: महापौरपदासाठी झाला होता गैरप्रकार! आता उपमहापौरपदाची निवडणूक भाजपनं जिंकली

नवी दिल्ली : महापौरपदाच्या निवडणुकीतील मोठ्या घोटाळ्यानंतर आता भाजपनं उपमहापौरपदाची निवडणूक जिंकली आहे. ही निवडणुकही काँग्रेस-आम आदमी पार्टी आणि भाजप अशी थेट निवडणूक होती.

या निवडणुकीत वरिष्ठ उपमहापौरपदासाठी इंडिया आघाडीचे नगरसेवक गुरप्रीत सिंह गाबी आणि भाजपचे नगरसेवक कुलजीत सिंह संधू यांच्यामध्ये निवडणूक झाली. तर उपमहापौरपदासाठी इंडियाच्या निर्मला देवी आणि भाजपचे नगरसेवक राजिंदर शर्मा यांच्यामध्ये निवडणूक झाली. (Chandigarh Deputy Mayor elections BJP candidate Rajinder Sharma wins election of with 19 votes)

वरिष्ठ उपमहापौरपदाच्या निवडणुकीत देखी आप आणि काँग्रेसच्या आघाडीचं एक मत रद्द झालं. तर या निवडणुकीत भाजपला १९ मतं आणि आघाडीला १६ मत मिळाली. तर एक मत रद्द झालं. असं सांगितलं जात आहे की, अकाली दलाचे हरदीप सिंह यांनी पुन्हा एकदा भाजपला मत दिलं आहे. (Latest Marathi News)

यापूर्वी ११ वाजून १२ मिनिटांनी मतदान संपलं. खासदार किरण खेर यांनी पहिल्यांदा मत टाकलं. त्यांनी मतदान करण्यापूर्वी नगरसेवक सौरभ जोशी त्यांच्याजवळ आले, यामुळं सभागृहात मोठा गोंधळ झाला. यावेळी आप आणि काँग्रेसच्या नगरसेवकांनी आरोप केला की कोणताही नगरसेवक मतदानापूर्वी आपल्या जागेवरुन उठून मतदान करणाऱ्या व्यक्तीजवळ जाऊ शकत नाही. पण यानंतर महापौरांनी समजावल्यानंतर प्रकरण थंड झालं. (Marathi Tajya Batmya)

असं होतं उपमहापौरपदाच्या निवडणुकीचं बलाबल?

भाजप - १७ नगरसेवक + १ खासदार

आप - १०

काँग्रेस - ७

अकाली दल - १