चंद्रशेखर आझाद म्हणाले, गोरखपूरमधून निवडणूकही जिंकेन, सरकारही बनवणार

लखनौ : अल्पसंख्याक आणि अनुसूचित जाती-जमातीमुळे मी केवळ निवडणुका जिंकणार नाही तर उत्तर प्रदेशमध्ये सरकार स्थापन करेन, असे आझाद समाज पक्षाचे प्रमुख चंद्रशेखर आझाद (Chandrasekhar Azad) यांनी रविवारी सांगितले. गोरखपूरमध्ये (Gorakhpur) मुख्यमंत्री योगी आदित्यनाथ यांच्या विरोधात मोर्चेबांधणी करण्याची घोषणा त्यांनी केली होती, हे विशेष...

चंद्रशेखर आझाद यांनी लखनैमध्ये पत्रकारांशी बोलताना दावा केला की, त्यांच्यासोबत ३५ छोट्या पार्ट्या आहेत. आता मोठ्या लोकांशी युती करू नका. समुद्रात उडी मारायची नाही आहे, तर नद्या बनून मोठे व्हायचे आहे. अनेकांनी मला नाकारले आहे. आता मी कुबड्या घेऊन नाही तर स्वबळावर माझ्या मित्रपक्षांसोबत जाणार आहे, असेही चंद्रशेखर आझाद (Chandrasekhar Azad) म्हणाले.

मी मोठा भाऊ अखिलेश यादव आणि बहीण मायावती यांचा आदर करतो. त्यांचा पक्ष अखिलेश यादव यांच्या विरोधात उमेदवार उभा करणार नाही. मी हे लेखी देत ​​आहे. उत्तर प्रदेशच्या (uttar pradesh) विधानसभा निवडणुकीत (assembly election) आझाद समाज पक्षाचे सरकार बनेल आणि मुख्यमंत्रीही माझ्याच पक्षाचा असेल. विरोधकांनी गोरखपूरमधून कोणत्याही ताकदवान नेत्याला उमेदवारी दिलेली नाही. मात्र, ते पूर्ण ताकदीने लढण्यास तयार आहेत, असेही चंद्रशेखर आझाद (Chandrasekhar Azad) म्हणाले.