अमरनाथ गुहेजवळ ढगफुटी! १० जणांचा मृत्यू - NDRF

सध्या मोठ्या प्रमाणावर भाविक अमरनाथ यात्रेवर आहेत.
Amarnath Yatra2
Amarnath Yatra2

नवी दिल्ली : हिमालयाच्या पर्वतरांगांमध्ये असलेल्या अमरनाथ पवित्र गुहेजवळ ढगफुटी झाल्याचं वृत्त आहे. प्रशासनाकडून घटनास्थळी बचावकार्य सुरु करण्यात आलं आहे. या दुर्घटनेत आत्तापर्यंत १० जणांचे मृतदेह हाती आले आहेत तर तीन जणांचा वाचवण्यात यश आलं आहे. या ढगफुटीमुळं सध्या सुरु असलेल्या अमरनाथ यात्रेवर मात्र प्रश्नचिन्ह उभं राहिलं आहे. (Cloud Burst near Amarnath cave Yatra may adjournt)

अमरनाथ यात्रेला ३० जूनपासून सुरुवात झाली आहे. संध्याकाळी साडेपाच वाजण्याच्या सुमारास ही ढफुटी झाली. या गुहेजवळ सध्या १० ते १२ हजार भाविक असल्याची माहिती मिळते आहे. ढगफुटीचे काही व्हिडिओ आणि फोटोही समोर आले आहेत. यामध्ये NDRF, SDRF आणि इतर एजन्सीच्या माध्यमातून बचावकार्य राबवण्यात येत आहे, अशी माहिती आयटीबीपीनं दिली.

ढगफुटीमुळं पाण्याचा प्रवाह गुहेजवळूनच गेला असून यामुळं काही लंगरचं नुकसान झाल्याची माहिती मिळते आहे. काही भाविकही याच्या तडाख्यात सापडल्याचं सांगितलं जात आहे. पण पुढील काही वेळात याबाबत अधिक माहिती समोर येईल.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com