"BJP चं नाटक चालणार नाही, जगात मोठा पक्ष म्हणणारे AAP ला घाबरले"

पाच राज्यांच्या निवडणुकांचे निकाल जाहीर झाल्यानंतर आम आदमी पक्षाने पंजाबमध्ये मिळवलेल्या मोठ्या यशाची सध्या जोरदार चर्चा सुरु आहे. पंजाबमध्ये आम आदमी पक्षाने मिळवलेला विजय हा ऐतिहासिक असून, त्यानंतर आता आपने देशातील इतर राज्यांत देखील हात पाय पसरण्यास सुरुवात केली आहे. त्यातच आता आम आदमी पक्षाचे सर्वेसर्वा अरविंद केजरीवाल यांनी भाजपवर टीका करत चिमटे काढले आहेत. भाजपला उद्देशून ते म्हणाले की, जे नाटक सध्या सुरु आहे, ते राष्ट्र खपवून घेणार नाही.

अरविंद केजरीवाल म्हणाले, भाजपचे लोक म्हणतात भाजप जगातील सर्वात मोठा पक्ष आहे. आमचा आम आदमी पक्ष (AAP) सर्वात लहान आहे. मात्र तरीही ते घाबरले! मोठा पक्ष लहान पक्षाला घाबरला. हिंमत असेल तर निवडणूक लढवा असं आवाहन दिल्लीचे मुख्यमंत्री केजरीवाल विधानसभेत केलं आहे.