CM Mamata Banerjee esakal
देश
CM Mamata Banerjee : ''तपास आमच्याकडे असता, तर आरोपीला फाशीच झाली असती'', कोलकाता प्रकरणाच्या निकालावर ममता बॅनर्जींची नाराजी!
Sanjay Roy : सियालदाह न्यायालयाच्या निर्णयानंतर मुख्यमंत्री ममता बॅनर्जी यांनी मुर्शिदाबादमध्ये माध्यमांशी संवाद साधला. यासंदर्भात बोलताना त्यांनी न्यायालयाच्या निर्णयावर नाराजी व्यक्ती केली.
CM Mamata Banerjee Reacts to RG Kar Hospital Case : आरजी कर वैद्यकीय महाविद्यालयातील डॉक्टर तरुणीवर झालेल्या बलात्कार आणि हत्या प्रकरणातील दोषी संजय रॉयला जन्मठेपेची शिक्षा सुनावण्यात आली आहे. तसेच आरोपीला ५० हजार रुपयांचा दंडही ठोठावण्यात आला आहे. त्यानंतर आता विविध प्रतिक्रिया उमटू लागल्या आहेत. या निर्णयावर पीडितेच्या कुटुंबियांनी नाराजी व्यक्ती केली आहे. तर पश्चिम बंगालच्या मुख्यमंत्री ममता बॅनर्जी यांनीही याबाबत असमाधानी असल्याचं म्हटलं आहे.