दिल्ली : नेपाळ कम्युनिस्ट पार्टी (माओवादी-केंद्र) चे अध्यक्ष आणि नेपाळचे माजी पंतप्रधान पुष्पकमल दहल प्रचंड यांनी भाजपचे राष्ट्रीय अध्यक्ष जेपी नड्डा यांची भेट घेतली आहे. दिल्लीतील भाजप मुख्यालयात त्यांनी भेट घेतली असून यावेळी भारताचे परराष्ट्र मंत्री एस. जयशंकर हेही उपस्थित होते. दोन टोकाचे विरोधक एकत्र आल्याने राजकीय वर्तुळात चर्चांना उधाण आलं आहे.
(Communist Party Chairmen And Nepal's Former Minister Meet BJP President JP Nadda)
प्रचंड हे दोन वेळा नेपाळचे पंतप्रधान राहिले आहेत. ते दोन दिवसापासून भारतात आले आहेत. भाजपने त्यांना आमंत्रित केले असल्याची माहिती आहे. 'बीजेपी को जानो' या मोहिमेचा भाग म्हणून त्यांनी आज भाजपच्या मुख्यालयाला भेट दिली असल्याची माहिती आहे. यावेळी त्यांनी भाजपच्या वरिष्ठ नेत्यांशी चर्चा केली आहे.
दरम्यान, चीनच्या कम्युनिस्ट पक्षाच्या केंद्रीय समितीच्या आंतरराष्ट्रीय संपर्क विभागाचे प्रमुख लियू जियानचाओ यांच्या नेतृत्वाखाली उच्चस्तरीय चीनी शिष्टमंडळाने कम्युनिस्ट पक्षाच्या विविध नेत्यांची भेट घेतली आणि त्यांना एकत्र येण्याचे आवाहन केले आहे. यावेळी प्रचंड यांचीही भेट चीनच्या कम्युनिस्ट पक्षाच्या शिष्टमंडळाने घेतली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.