कुमारी शैलजा, सिंघवी कार्यकारिणीत

पक्षाध्यक्षा सोनिया गांधी यांच्याकडून पक्षसंघटनेत फेरबदल
Congress President Sonia Gandhi Haryana state president Kumari Shailja and Abhishek Manu Singhvi promoted executive members
Congress President Sonia Gandhi Haryana state president Kumari Shailja and Abhishek Manu Singhvi promoted executive members sakal

नवी दिल्ली : कोविडवरील उपचारानंतर रुग्णालयातून बाहेर आलेल्या काँग्रेस अध्यक्षा सोनिया गांधी यांनी पक्षसंघटनेत फेरबदल केला आहे. हरियानाच्या माजी प्रदेशाध्यक्षा कुमारी शैलजा आणि विधिज्ञ अभिषेक मनू सिंघवी यांना कार्यकारिणी सदस्यपदी बढती देण्यात आली आहे. सिंघवी ईडीच्या (सक्तवसुली संचालनालय) चौकशीप्रकरणी न्यायालयात काँग्रेस नेतृत्वाची बाजू मांडतात. काँग्रेसमधील निर्णय प्रक्रियेत कार्यकारिणीचे स्थान पक्षाध्यक्षांच्या खालोखाल मानले जाते. आंध्र प्रदेशातील नेते टी. सुब्बरामी रेड्डी यांना कायम निमंत्रित सदस्य, तर उत्तर प्रदेशचे प्रदेशाध्यक्ष अजयकुमार लल्लू यांना विशेष निमंत्रितपदी स्थान देण्याचाही निर्णय सोनिया यांनी घेतला आहे. संघटना सरचिटणीस के. सी. वेणुगोपाल यांनी या नियुक्त्यांची घोषणा केली.

हरियानातील दलित महिला नेत्या असलेल्या कुमारी शैलजा यांना राज्यसभेची उमेदवारी मिळण्याची शक्यता असताना पक्षांतर्गत घडामोडींमुळे त्यांची संधी हुकली होती. आता कार्यकारिणीवर त्यांची निवड करून पक्ष नेतृत्वाने वेगळा संदेश दिल्याचे मानले जात आहे. दुसरीकडे पक्ष संघटनेच्या कामकाजाचा काहीही अनुभव नसलेल्या सिंघवी यांची कार्यकारिणीवरील निवड ही महत्त्वाच्या न्यायालयीन खटल्यात काँग्रेसची आणि पक्षनेतृत्वाची बाजू मांडण्याचे बक्षीस असल्याचे मानले जात आहे. आतापर्यंत काँग्रेसच्या महत्त्वाच्या खटल्यांमध्ये सिंघवींसह ज्येष्ठ विधिज्ञ कपिल सिब्बल यांचाही समावेश असे. मात्र, अलीकडेच सिब्बल यांनी काँग्रेसला सोडचिठ्ठी दिल्याने सिंघवी यांना ही संधी मिळाली आहे. अशाच प्रकारे संघटनेचा अनुभव नसलेले जयराम रमेश यांची सोनिया यांनी पक्षाच्या सरचिटणीसपदी आणि संपूर्ण माध्यम विभागाच्या प्रभारी पदाची जबाबदारी सोपविली होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com