देशात कोरोनाचे रुग्ण झपाट्याने कमी होत आहेत. आरोग्य मंत्रालयाने आज (रविवारी) जारी केलेल्या आकडेवारीनुसार, गेल्या 24 तासांत कोरोनाचे 9,436 नवीन रुग्ण आढळले असून 41 जणांचा मृत्यू झाला आहे. त्याच वेळी, देशातील सक्रिय रुग्णांची संख्या 86,591 वर पोहोचली आहे.
महामारीच्या सुरुवातीपासून आतापर्यंत 4,37,93,787 लोक बरे झाले आहेत. आरोग्य मंत्रालयाच्या म्हणण्यानुसार, एकूण संसर्गापैकी सक्रिय प्रकरणे 0.22 टक्के आहेत, तर पुनर्प्राप्तीचा दर 98.59 टक्के आहे. दैनंदिन संसर्ग दर 4.15 टक्के आणि साप्ताहिक संसर्ग दर 3.59 टक्के नोंदवला गेला. दिलासादायक बाब म्हणजे नवीन कोरोनाबाधितांपेक्षा कोरोनातून बरे होणाऱ्या रुग्णांची संख्या जास्त आहे.
राज्याच्या आरोग्य विभागाच्या आकडेवारीनुसार, महाराष्ट्रात गेल्या 24 तासांत 1723 कोरोनाच्या नव्या रुग्णांची भर पडली आहे. तर शनिवारी दिवसभरात एकूण 1845 रुग्ण कोरोनामुक्त होऊन घरी परतले आहेत. राज्यात सहा कोरोनाबाधित रुग्णाच्या मृत्यूची नोंद झाली आहे. राज्यातील मृत्यूदर हा 1.83 टक्के इतका झाला. तर आतापर्यंत राज्यामध्ये 79,34, 878 कोरोनाबाधित बरे होऊन घरी परतले आहेत. त्यामुळे कोरोना रुग्ण बरे होण्याचं प्रमाण 98.02 टक्के इतकं झालं आहे. राज्यात एकूण 11743 सक्रिय रुग्ण संख्या आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
