लसनिर्मितीसाठी हाफकिन बायोफार्माला मान्यता | Vaccination | Sakal
sakal

बोलून बातमी शोधा

Corona Vaccine
लसनिर्मितीसाठी हाफकिन बायोफार्माला मान्यता

लसनिर्मितीसाठी हाफकिन बायोफार्माला मान्यता

मुंबई : कोरोना प्रतिबंधक लशींचे देशांतर्गत उत्पादन (Vaccine Production) वाढवण्यासाठी केंद्र सरकारने हैदराबादस्थित भारत बायोटेक (Bharat Biotech) कंपनीसोबत तंत्रज्ञान हस्तांतर करार केला आहे. यानुसार लसनिर्मितीसाठी हाफकिन बायोफार्माला मान्यता दिली होती. या लशीच्या निर्मितीसाठी बीएसएल (जैविक सुरक्षा प्रयोगशाळा) उभारण्याची प्रक्रिया सुरू झाली आहे. येत्या दोन महिन्यांत लॅब उभारणी आणि चाचणीची प्रक्रिया पूर्ण होईल, अशी अपेक्षा आहे. (Vaccine Production Updates)

गेल्या वर्षी एप्रिल महिन्यात राज्य सरकारच्या मालकीच्या हाफकिन बायोफार्माला कोव्हॅक्सिन लस निर्मितीसाठी मान्यता दिली होती. संस्थेच्या उत्पादन विभागाचे महाव्यवस्थापक सुभाष शंकरवार म्हणाले, की कोणत्याही लसनिर्मितीसाठी सुरक्षा प्रयोगशाळेची गरज असते. ही प्रयोगशाळा ‘आयसीएमआर’ आणि हाफकिनच्या शास्त्रज्ञांच्या देखरेखीखाली तयार केली जाईल. या ‘बीएसएल’ प्रयोगशाळेचे बांधकाम पूर्ण झाल्यावर महिनाभर त्याची चाचणी केली जाईल. यामध्ये लस तयार करण्यासाठी प्रयोगशाळा कितपत सुरक्षित आहे, याची तपासणी केली जाईल.

उत्पादन प्रक्रिया

प्रयोगशाळेच्या निर्मितीनंतर लस तयार करणार

लशीची तीन महिने चाचणी केली जाणार

लशीत दोष आहेत की नाही, असतील तर ते कोणते, हे चाचणीतून समजेल

सकारात्मक परिणामानंतर लसनिर्मितीला सुरुवात

शेवटच्या टप्प्यात ती बाजारात उपलब्ध होईल

एका वर्षात कोव्हॅक्सिनचे २२.८ कोटी डोस तयार करण्याचा कंपनीचा प्रस्ताव आहे. लस लवकरात लवकर बाजारात आणण्याचा आमचा प्रयत्न आहे. लशीसाठी सरकारकडून अनुदान मिळाले आहे.

- डॉ. संदीप राठोड,

व्यवस्थापकीय संचालक, हाफकिन बायोफार्मा

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :vaccine
loading image
go to top