'गाय पाळणाऱ्या नेत्यालाच निवडणूक लढवण्याचा अधिकार द्या'

मध्य प्रदेश : गायीचं (Cow) पालन करणाऱ्या नेत्यालाच निवडणूक लढवण्याचा अधिकार मिळायला हवा, असं मत मध्य प्रदेशचे कॅबिनेट मंत्री हरदीप सिंह डंग (Hardeep Singh Dang) यांनी व्यक्त केलंय. उज्जैन विभागामधील मंदसौर जिल्ह्यातील (Mandsaur District) सीतामऊ इथं आयोजित हंडियाबाग गोशाळेतील भागवत कथेला उपस्थित राहण्यासाठी डंग आले होते. त्यावेळी त्यांनी आपलं मनोगत व्यक्त केलं.

मध्य प्रदेश सरकारमधील (Madhya Pradesh Government) कॅबिनेट मंत्री आणि सुवासरा विधानसभेचे (Suwasra Assembly) आमदार हरदीप सिंह डंग म्हणाले, मी विधानसभेत ही मागणी केलीय. जर शेतकरी गाय पाळत नसेल तर त्याच्या शेताची खरेदी-विक्रीची नोंदणी रद्द करण्यात यावी. तसेच सरपंच, आमदार, खासदार या पदांसाठी जो गाय पाळेल, त्यालाच तिकीट द्यावं आणि निवडणूक लढवण्याचा अधिकार द्यावा, अन्यथा त्यांचा फॉर्म रद्द करावा, असं त्यांनी स्पष्ट केलंय.

याआधी भंडारेमध्ये मंत्री डंग यांनी हजेरी लावली होती. यावेळी मंत्र्यानं स्वत:च्या हातानं भाविकांना जेवणही वाढलं होतं. त्यानंतर त्यांनी स्वतः प्रसाद घेतला. यावेळी जिल्हाधिकारी गौतम सिंह, पोलीस अधीक्षक अनुराग सुजानिया यांच्यासह अनेक ग्रामस्थ उपस्थित होते.