नवऱ्याची दाढी आवडत नव्हती म्हणून ती त्याच्या मित्राच्या प्रेमात पडली, नंतर...

Crime News: इंग्लंडमधील डर्बीशायर येथील रहिवासी असलेली रमनदीप कौर मान हिला नवऱ्या हत्येबद्दल उत्तर प्रदेशातील शाहजहांपूर जिल्हा न्यायालयाने जन्मठेपेची शिक्षा सुनावली आहे. रमनदीप कौर मानचा प्रियकर गुरुप्रीत सिंग याला देखील जन्मठेपेची शिक्षा सुनावण्यात आली आहे. तसेच जिल्हा न्यायालयाने दोघांना दंडही ठोठावला आहे. रमनदीपला 5 लाख आणि गुरुप्रीतला 3 लाख रुपयांचा दंड ठोठावण्यात आला.

रमनदीपने पती सुखजित सिंगची हत्या केली होती. यामध्ये तिचा प्रियकर गुरुप्रीतने तिला साथ दिली. उत्तर प्रदेशातील शाहजहांपूरच्या बसंतापूर गावात राहणारा सुखजीत सिंग ड्रायव्हरच्या कामासाठी इंग्लंडला गेला होता. तेथे त्यांची भेट इंग्लंडमधील डर्बीशायर येथे झालेल्या रमनदीप कौरशी झाली. सुखजीत आणि रमनदीप एकमेकांवर प्रेम करू लागले. इंग्लंड नागरिकत्व मिळवण्याच्या लालसेपोटी सुखजीतने रमनदीपशी लग्न केले. (crime news)

मात्र रमनदीपला अमली पदार्थ आणि शारीरिक सुख मिळवण्याचे व्यसन होते. लग्नानंतर काही दिवस सर्व काही सुरळीत चालले होत. पण नंतरच्या काळात रमनदीप तिच्या पतीवर नाराज होऊ लागला. कधी ती त्याला त्याच्या ड्रेसिंग स्टाईलबद्दल शिव्या द्यायची, तर कधी ती त्याला त्याच्या दाढीबद्दल बोलायची.

दाढी काढण्यासाठी ती त्याच्यावर अनेकदा दबाव टाकत असे. यादरम्यान, सुखजीतचा बालपणीचा मित्र गुरुप्रीतच्या घरी ये-जा वाढली. सुखजीत कामासाठी घराबाहेर पडताच गुरुप्रीत घरी यायचा. अशा प्रकारे रमनदीप आणि गुरुप्रीतमध्ये शारीरिक संबंध निर्माण होऊ लागले.

प्रियकर गुरुप्रीतच्या प्रेमात वेडा झालेल्या रमनदीपने पतीपासून कायमची सुटका करून घेण्यासाठी एक भयानक प्लॅन केला. 2016 मध्ये ती पती आणि दोन निष्पाप मुलांसह शाहजहांपूरच्या बसंतपूर गावात सासरच्या घरी आली होती. गावाबाहेरील तिच्या फार्म हाऊसमध्ये ती कुटुंबासह राहू लागली. 1 सप्टेंबर 2016 च्या रात्री त्यांनी बिर्याणी तयार केली. तिने त्यात विष मिसळले आणि ते पती, मुले आणि दोन कुत्र्यांना खावू घातले.

काही तासांतच कुत्र्यांचा मृत्यू झाला. पती सुखजीत आणि एक मुलगा बेशुद्ध झाला, पण एका मुलाने बिर्याणी खाल्ली नाही, तो डोळे मिटून शांतपणे पडून राहिला. यानंतर रमनदीपने पतीचा चेहरा उशीने दाबला. गुरुप्रीतने त्याच्या डोक्यावर हातोड्याने जोरदार प्रहार केला. त्यानंतर रमनदीपने चाकूने पतीच्या गळा चिरला. यामध्ये सुखजीतचा मृत्यू झाला.

स्थानिक पोलिसांनी केलेल्या तपासात संशयाच्या आधारे रमनदीप आणि गुरुप्रीत यांना अटक करून कारागृहात रवानगी करण्यात आली. येथे सुखजीतच्या दोन्ही मुलांना इंग्लंडमध्ये त्यांच्या मावशीकडे पाठवण्यात आले. (Latest Marathi News)

रमनदीप आणि गुरुप्रीत यांच्याविरोधात सबळ पुरावे नसल्यामुळे वर्षभरातच त्यांना जामीन मिळाला. मात्र खटला बंद होईपर्यंत त्याला देश सोडण्याची परवानगी नव्हती. मात्र मुलगा आर्यन याच्या साक्षीवरुन कोर्टाने रमनदीप कौर मान आणि प्रियकर गुरुप्रीत सिंग याला शिक्षा सुनावली. आज तकने याबाबत वृत्त दिले आहे.