Narendra Modi: मोदींसमोर झाले नृत्याचे सादरीकरण अन् वर्ल्ड बुक ऑफ रेकॉर्डमध्ये मिळाले स्थान !

Narendra Modi: 12 ऑक्टोबर रोजी देवभूमी उत्तराखंड येथे पंतप्रधान नरेंद्र मोदी यांच्या आगमनावेळी छोलिया आणि झौडा लोकनर्तकांचे सादरीकरण करण्यात आले होते. यालाच वर्ल्ड बुक ऑफ रेकॉर्डमध्ये स्थान मिळाले आहे.

यावेळी संस्कृती संचालकांनी दिलेली माहिती अशी कि, सीमावर्ती जिल्हा पिथौरागढ येथे समुद्रसपाटीपासून 5338 फूट (1627) मीटर उंचीवर आहे. हि एक अनोखी आणि ऐतिहासिक भूमी आहे. यावेळी तब्बल ३ हजार लोक कलाकारांनी यात सहभाग नोंदवला.

संस्कृतीचे संचालक म्हणाले की, या कार्यक्रमात पिथौरागढ जिल्ह्यातील सीमावर्ती खेड्यांमधून आलेल्या हजारो लोककलाकारांच्या संस्कृतीचा वारसा पाहायला मिळाला. लोककलाकारांनी आपल्या कलागुणांचे उत्तम प्रदर्शन करून लोकांना मंत्रमुग्ध केले. हिमालय पर्वतरांगांच्या पार्श्वभूमीवर आयोजित केलेल्या या भव्य उत्सवामुळे तो खरोखरच एक उल्लेखनीय आणि यापूर्वी कधीही न पाहिलेला होता.

दिग्दर्शक बीना भट्ट यांनी सांगितले की, यावेळी तब्बल ३ हजार लोक कलाकारांनी यात सहभाग नोंदवला.परिसर लोकगीते आणि पारंपारिक लोक वाद्यांच्या सुरांनी गुंजला होता. उत्तराखंडचा समृद्ध लोकसांस्कृतिक वारसा पाहून पंतप्रधान नरेंद्र मोदी भावूक झाले होते.