Batla House encounter : अरिझ खानला फाशीची शिक्षा

२००८ मधील बाटला हाऊस एन्काउंटरप्रकरणी दहशतवादी अरिझ खान याला दिल्लीच्या साकेत कोर्टानं दोषी ठरवलं आहे. दुर्मिळ प्रकरणातील दुर्मिळ प्रकरण असल्याचं माणत कोर्टानं अरिझला  फाशीची शिक्षा सुनावली आहे.  तसेच ११ लाख रुपयांचा दंडही ठोठावला आहे. कोर्टानं यामधील १० लाख रुपयांची रकम शहीद पोलिस आधिकारी मोहनचंद्र शर्मा यांच्या कुटुंबियांना देण्याचा आदेशही यावेळी दिला. 

कोर्टाने आर्म्स अॅक्ट आणि भारतीय दंड संहिता कलम ३०२, ३०७ अंतर्गत अरिझ खानला दोषी ठरवलं आहे. २००८ मध्ये दिल्लीत झालेल्या बाटला हाऊस एन्काऊंटरनंतर अरिझ खान हा फरार झाला होता.  त्यानतंर फेब्रुवारी २०१८ मध्ये दिल्ली पोलिसांनी त्याला नेपाळमधून अटक केली होती.

बाटला हाऊस इन्काऊंटरमध्ये जीव गमावलेल्या इन्स्पेक्टर मोहनचंद्र शर्मा यांच्या हत्येसाठी अरिझला दोषी ठरवण्यात आलं आहे. तसेच पोलीस कर्मचारी बलवंत सिंह-राजवीर यांनाही जीवे मारण्याचा प्रयत्न त्याने केला होता. कोर्टाने अरिझला दोषी ठरवलं.  

कोण आहे अरिझ खान?

• अरिझ खान ऊर्फ जुनैद हा बॉम्ब बनवण्यासह तो प्लान्ट करुन स्फोट घडवून आणण्यात एक्सर्प्ट आहे.      
• इंडियन मुजाहिद्दीन या दहशतवादी संघटनेचा तो सदस्य आहे.    
•  २०१८ मध्ये अटकेपूर्वी तो मोस्ट वॉन्डेट गुन्हेगार होता.     
• दिल्ली पोलिसांच्या स्पेशल सेलने त्याला २०१८ मध्ये भारत-नेपाळ बॉर्डरवरुन अटक केली होती.     
• इंडियन मुजाहिद्दीन आणि सिमी या दहशतवादी संघटनांना पुनरुज्जीवित करण्याचा त्याचा मानस होता.   
• अरिझवर २००७ मध्ये युपी स्फोट, २००८ मध्ये जयपूर साखळी स्फोट, २००८ मध्ये अहमदाबाद स्फोटाचाही आरोप आहे. बाटला हाऊस एन्काऊंटरनंतर तो तात्काळ फरार झाला होता. 
• बाटला हाउस एन्काऊंटरनंतर एका महिन्यानंतर तो काही काळ भारतात आला होता.    
• बाटला हाउस एन्काऊंटर १९ सप्टेंबर २००८ रोजी झाला होता. यामध्ये दोन संशयीत दहशतवादी मारले गेले होते तर दोन संशयीतांना अटक झाली होती.   
•  पीटीआयच्या एका वृत्तानुसार, बाटला हाऊस एन्काऊंटरदरम्यान अरिझ खान बाटला हाऊसमध्ये अन्य चार दहशतवाद्यांसोबत होता.   
• एन्काऊंटरनंतर दिल्लीच्या जामिया नगरमधून अरिझ पोलिसांच्या ताब्यातून सुटण्यात यशस्वी ठरला होता.