Delhi Mumbai Expressway Accident : सीएनजी लिक होऊन धावती कार पेटली; वैष्णोदेवी दर्शनाहून परतणाऱ्या एकाच कुटुंबातील ५ जणांचा होरपळून मृत्यू

दिल्ली-मुंबई एक्सप्रेस वेवर एक भीषण दुर्घटना घडली. धावत्या कारमध्ये सीएनजी गॅस गळतीमुळे आग लागली अन् एकाच कुटुंबातील पाच जणांचा होरपळून मृत्यू झाला.या दुर्घटनेत कारचालकही गंभीररित्या भाजला आहे. चालकावर सध्या जयपूर येथील एसएमएस (SMS) रुग्णालयात उपचार सुरू आहेत. ही घटना रात्री उशिरा साधारणपणे ११:०० वाजण्याच्या सुमारास राजस्थानमधील अलवर जवळ घडली.