लिव्ह पार्टनरने १४ वेळा गर्भपात करण्यासाठी भाग पाडल्याने एका ३३ वर्षांच्या महिलेने आत्महत्या केली आहे. दिल्लीमध्ये ही धक्कादायक घटना घडली आहे. लग्न करण्याचं आमिष दाखवत तिच्या पार्टनरने तिच्यासोबत अनेकदा संबंध ठेवले होते. (Suicide News in Marathi)
पोलिसांना या महिलेच्या घरात एक सुसाईड नोटही सापडली आहे. यामधून हे खुलासे झाले आहेत. लग्न करण्याची आश्वासनं देत या व्यक्तीने महिलेशी संबंध ठेवले होते. मात्र नंतर त्याने लग्नाला नकार दिला. त्यामुळे आपल्याकडे मृत्यू पत्करण्याशिवाय कोणताही पर्याय नाही, असं या महिलेने आपल्या सुसाईड नोटमध्ये म्हटलं आहे.
पोलिसांनी आरोपीला अटक केली आहे. हा आरोपी एका सॉफ्टवेअर कंपनीमध्ये काम करतो. पाच जुलै रोजी पोलिसांना एका महिलेच्या आत्महत्येची माहिती मिळाली होती. त्यानंतर पोलीस घटनास्थळी पोहोचले असता या महिलेने गळफास लावून घेतल्याचं आढळून आलं. महिलेला तात्काळ दिल्लीतल्या एम्स रुग्णालयात दाखल करण्यात आलं. मात्र तोवर तिला मृत घोषित करण्यात आलं होतं.
पोलिसांनी केलेल्या तपासात लक्षात आलं आहे की ही महिला गेल्या सात ते आठ वर्षांपासून आपल्या पतीपासून लांब राहत होती. तिच्या लिव्ह इन पार्टनरने तिला तब्बल १४ वेळा गर्भपात करण्यास भाग पाडलं. तसंच लग्न करण्यासही नकार दिला. म्हणून या महिलेने आत्महत्या केली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.