'भयंकर', BulliBai वरून महिला आयोगानं दिल्ली पोलिसांना सुनावलं | Sakal
sakal

बोलून बातमी शोधा

Bulli Bai Case

'भयंकर', BulliBai वरून महिला आयोगानं दिल्ली पोलिसांना सुनावलं

नवी दिल्ली : बुल्ली बाई नावाच्या अॅपचा (Bulli Bai Case) वापर करून मुस्लीम महिलांना टार्गेट केले जात आहे. तसेच त्यांच्या फोटोचा लिलाव केला जात आहे. याप्रकरणी दिल्ली महिला आयोगाने (Delhi Women Commission) स्वतः दखल घेतली असून दिल्ली पोलिसांच्या सायबर गुन्हे शाखेला (Cyber Crime Branch Delhi Police) समन्स बजावला असून गुन्हेगारांना तत्काळ अटक करण्याची मागणी केली आहे.

हेही वाचा: SulliDeals & BulliBai वरून मुस्लीम महिला टार्गेट, शिवसेना आक्रमक

मुस्लीम महिलांचे सोशल मीडियावरून फोटो चोरून त्यांना ट्रोल केले जाते. त्यानंतर त्याच महिल्यांच्या फोटोंचा बुल्ली बाई नावाने लिलाव केला जातो. यामध्ये काही पत्रकार महिलांचा देखील समावेश आहे. शिवसेना खासदार प्रियंका चतुर्वेदी यांनी कारवाईची मागणी केली आहे. तसेच त्यांनी या आरोपींना अटक करण्याची मागणी मुंबई पोलिसांकडे केली आहे. त्यानंतर हे अकाऊंट बंद करण्यात आल्याचे केंद्रीय माहिती व प्रसारण मंत्री अश्विनी वैष्णव यांनी सांगितले.

दिल्ली पोलिसांना सुनावलं -

बुल्ली बाई प्रमाणेच जुलै २०२१ मध्ये सुल्ली डिल्स नावाने मुस्लीम महिलांना टार्गेट केलं जातं होतं. सुल्ली डिल्स नावाने त्यांचे फोटो अपलोड करण्यात आले होते. त्यावेळी देखील दिल्ली महिला आयोगानं हस्तक्षेप करत तक्रार दाखल केली होती. पण, अद्यापही दिल्ली पोलिसांनी कोणालाही अटक केली नाही. त्याबाबत आयोगाने नाराजी व्यक्त केली असून प्रकरण इतकं गंभीर असताना दोषींना अटक न करणे हे भयंकर आहे. कायद्याची अंमलबजावणी करणाऱ्या यंत्रणेच्या उदासीन वृत्तीमुळे महिला आणि मुलींची ऑनलाइन विक्री करणाऱ्या गुन्हेगारांना प्रोत्साहन मिळत आहे, असा आरोप करत आयोगाने पोलिसांना सुनावले आहे.

दरम्यान, अल्पसंख्याक मंत्री नवाब मलिक यांनी देखील या घटनेचा निषेध नोंदवला असून गृहमंत्र्यांना पत्र लिहून कारवाई करण्याची मागणी करणार असल्याचं म्हटलं आहे. तसेच बुल्ली बाई आणि सुल्ली डिल्स हे दोन्ही प्रकरणे हे केंद्र सरकारच्या पाठिंब्यानं सुरू आहेत, असा आरोप देखील मलिकांनी केला आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :crime
loading image
go to top