NEETच्या क्लासला प्रवेश नाकारला, १८ वर्षीय विद्यार्थीनीची आत्महत्या! काय घडलंय वाचा?

चेन्नई : NEET परीक्षेची तयारी करणाऱ्या एका १८ वर्षीय तरुणानं रेल्वेखाली उडी घेऊन आत्महत्या केल्याचा धक्कादायक प्रकार समोर आला आहे. आत्महत्येचं कारण ऐकून तर तुम्हाला धक्काच बसेल. नीटच्या क्लासमध्ये प्रवेश नाकारल्यानं या विद्यार्थ्यानं आत्महत्या केली आहे. (Denied entry by coaching centre Tamil Nadu NEET aspirant jumps before moving train)

इंडिया टुडेच्या वृत्तानुसार, नॅशनल एलिजिबिलिटी एन्ट्रन्स टेस्टची (NEET) तयारी करणाऱ्या निशा उथिराभारती नामक १८ वर्षीय विद्यार्थीनीनं रेल्वे खाली उडी घेऊन आत्महत्या केली. तिच्या पालकांनी सांगितलं की, बायजूजच्या कोचिंग क्लासमध्ये निशा जात होती. पण गेल्याकाही दिवसांपासून ती काहीशी नाराज होती. कारण क्लासमध्ये त्याच्या चाचणी परीक्षेतील गुणांवरुन काही विद्यार्थ्यांना विद्यार्थ्यांचे वेगवेगळे गट तयार केले होते. या चाचणीत माझ्या मुलीला ३९९ गुण मिळाले. पण बायजूजच्या नेवयेली शाखेनं ज्या विद्यार्थ्यांना ४०० पेक्षा अधिक गुण असतील अशाच विद्यार्थ्यांना वेगळं स्पेशल कोचिंग देण्याचा निर्णय घेतला होता. यामुळं निशा डिप्रेशनमध्ये गेली होती. याप्रकरणी तिच्या वडिलांनी कोचिंग सेंटरवर कारवाईची मागणी केली आहे.

दरम्यान, निशानं तिच्या वडिलांना सांगितलं होतं की, ती विशेष क्लाससाठी चालली आहे. पण ती थेट वंडालूर रेल्वे स्टेशनवर गेली आणि तिथं तीनं धावत्या ट्रेनखाली संध्याकाळी सव्वापाचच्या दरम्यान उडी घेऊन आत्महत्या केली. या घटनेनंतर रेल्वेच्या लोको पायलटने रेल्वे थांबवण्याचा प्रयत्नही केला. पण निशा यातून वाचू शकली नाही. या घटनेची माहिती कळताच रेल्वे प्रोटेक्शन फोर्सची टीम (RPF) घटनास्थळी पोहोचली. त्यांनी निशाचा मृतदेह ताब्यात घेतला आणि सरकारी रुग्णालयात पाठवून शवविच्छेदनासाठी पाठवून दिला.

हे ही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

NEET ही यापूर्वीची ऑल इंडिया प्री मेडिकल टेस्ट (AIPMT) असून ही भारतीय महाविद्यालयांमधील एमबीबीएस आणि बीडीएसच्या अभ्यासक्रमाची पात्रता परीक्षा आहे.