Boat Capsized : बोट उलटून एकाच कुटुंबातील ८ जणांचा मृत्यू; एक वाचला | Sakal
sakal

बोलून बातमी शोधा

Boat Capsized in Bihar

बोट उलटून एकाच कुटुंबातील ८ जणांचा मृत्यू; एक वाचला

झारखंड : कोडरमा जिल्ह्यातील पाचखेरो धरणावर फिरण्यासाठी आलेल्यांची बोट उलटल्याने (Boat Capsized) आठ जणांचा मृत्यू (Died) झाला. मृत आठही जण एकाच कुटुंबातील होते. एकाच कुटुंबातील ९ जण फिरण्यासाठी आले होते. सोसाट्याचा वारा आणि धरणाच्या पाण्यात हालचालीमुळे बोट उलटली. कुटुंबातील एका सदस्याने पोहत बाहेर येऊन नागरिकांना घटनेची माहिती दिली. ही घटना मरकाचो पोलिस ठाण्याच्या हद्दीत घडली.

शिवम सिंग (१७), पलक कुमारी (१४), सीताराम यादव (४०), शेजल कुमारी (१६), हर्षल कुमार (८), बऊवा (५), राहुल कुमार (१६), अमित कुमार (१४) अशी मृतांची (Died) नावे आहेत. हे लोक राजधनवार पोलिस ठाण्याच्या हद्दीतील रहिवासी आहेत.

प्राप्त माहितीनुसार, गिरिडीह जिल्ह्यातील राजधनवार पोलिस स्टेशन हद्दीतील फील्ड्स गावात राहणारे एकाच कुटुंबातील नऊ जण पाचखेरो धरणाला भेट देण्यासाठी आले होते. सर्व जण बोटीतून जात होते. तेवढ्यात जोरदार वारा आला आणि धरणाच्या पाण्यात जोरदार हालचाल झाल्याने बोट उलटली (Boat Capsized) आणि पाहता पाहता सर्व लोक पाण्यात बुडाले.

हेही वाचा: CM शिंदेचे ‘मिशन-200’; आता राष्ट्रवादी-काँग्रेसचे आमदार फोडणार?

बोट बुडाल्यानंतर नावाडी बाहेर आला आणि पळून गेला. कुटुंबातील प्रदीप कुमार याने पोहत बाहेर येऊन घटनेची माहिती नागरिकांना दिली. बोट धरणाच्या मध्यभागी येताच बुडू लागली, असे प्रदीपने सांगितले. पाचखेरो धरणात बुडालेल्यांचा स्थानिक पातळीवर शोध घेतला जात आहे. एनडीआरएफच्या टीमला माहिती देण्यात आली आहे. एनडीआरएफची टीम आल्यानंतर धरणात बुडालेल्या लोकांच्या शोधासाठी बचावकार्य सुरू करण्यात येणार आहे.

घटनेची माहिती मिळताच धरणाभोवती हजारो लोक जमा झाले. प्रशासनाचे पथकही घटनास्थळी दाखल झाले. केंद्रीय शिक्षण राज्यमंत्री अन्नपूर्णा देवी यांनी घटनेची माहिती मिळताच कोडरमा आणि गिरिडीहच्या उपायुक्तांशी बोलून लवकरात लवकर मदत आणि बचाव कार्य सुरू करण्याचे निर्देश दिले.

Web Title: Died Boat Capsized Bihar Crime News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :BiharCrime Newsdeathboat