दिग्विजय सिंह यांच्या वक्तव्यावर काँग्रेसची 'सारवासारव'

काँग्रेसचे ज्येष्ठ नेते दिग्विजय सिंह (Digvijaya Singh) यांनी जम्मू आणि काश्मीरमधील रद्द करण्यात आलेल्या कलम ३७० संदर्भात केलेले वक्तव्य चांगलेच चर्चेत आहे. त्यांच्या या वक्तव्यामुळे राजकीय वातावरण तापले असून यावर काँग्रेसच्या नेत्याने प्रतिक्रिया दिलीये. दिग्विजय सिंह यांच्या वक्तव्याचा विपर्यास केला जातोय, अशी भूमिका काँग्रेसचे नेते तारिक अन्वर यांनी मांडली. यासंदर्भात त्यांनी एएनआयशी संवाद साधला. (Digvijaya Singh didnt say about withdrawal of Article 370 Congress leader Tariq Anwar)

तन्वीर म्हणाले की, कलम 370 संदर्भातील निर्णय रद्द करण्यासंदर्भात दिग्विजय सिंह यांनी कोणतेही वक्तव्य केलेले नाही. 2019 पासून यासंदर्भात काँग्रेसची भूमिका स्पष्ट आहे. या निर्णयासंदर्भात पुन्हा विचार करु, असे दिग्विजय सिंह म्हणाले. वादग्रस्त ठरत असलेल्या दिग्विजय सिंह यांच्या वक्तव्यावर सारवासारव करत तारिक तन्वीर त्यांनी भाजपच्या टीकेला उत्तर दिले आहे. (Digvijaya Singh didnt say about withdrawal of Article 370 Congress leader Tariq Anwar)

दिग्विजय सिंह यांच्या वक्तव्यावरुन भाजपने काँग्रेसवर निशाणा साधला होता. शेजारील पाकिस्तानला जे हवे आहे तेच काँग्रेस नेत्यांच्या तोंडून ऐकायला मिळत आहे, अशा आशयाचे वक्तव्य भाजपचे आयटी सेल प्रमुख अमित मालवीय यांनी केले होते.

सोशल मीडियाच्या माध्यमातून 'क्लबहाऊस'वरील संवादावेळी काँग्रेसचे ज्येष्ठ नेते आणि मध्य प्रदेशचे माजी मुख्यमंत्री दिग्वीजय सिंह यांनी एका पाकिस्तानी पत्रकाराच्या प्रश्नाला दिले. "जर काँग्रेस पक्ष पुन्हा सत्तेत आला तर जम्मू आणि काश्मीरबाबतच्या कलम ३७० वर झालेल्या निर्णयाचा पक्षाकडून पुनर्विचार केला जाईल", असे दिग्वजय सिंह म्हणाले होते. या संवादाची ऑडिओ क्लीप ट्विट करुन भाजपचे अमित मालवीय यांनी ट्विटरवर शेअर केली आहे.