बालासोर (ओडिशा) : भारताने नव्या पिढीतील स्वदेशी बनावटीच्या अण्वस्त्रवाहू ‘अग्नी पी’ या क्षेपणास्त्राची (Agni Prime missile) डॉ एपीजे अब्दुल कलाम बेटावरून आज यशस्वी चाचणी केली आहे. याबाबतची माहिती संरक्षण संशोधन आणि विकास संस्थेच्या (The Defence Research and Development Organisation - DRDO) अधिकाऱ्यांनी दिली. आज सकाळी ११.०६ च्या सुमारास ही चाचणी घेण्यात आली. या यशानंतर संरक्षणमंत्री राजनाथसिंह (Defence Minister Rajnath Singh) यांनी भारतीय संशोधकांचे अभिनंदन केले आहे.
उड्डाणानंतर या क्षेपणास्त्रावर लक्ष ठेवण्यासाठी अत्याधुनिक टेलिमेटरी, रडार, इलेक्‍ट्रो- ऑप्टिकल स्टेशन यांचा वापर करण्यात आला होता. या क्षेपणास्त्राने सर्व उद्दिष्टे गाठल्याचे, ‘डीआरडीओ’ने प्रसिद्ध केलेल्या निवेदनात म्हटले आहे. या क्षेपणास्त्र प्रणालीमध्ये बसविण्यात आलेल्या सर्व यंत्रणांनी उत्तमपणे काम केले असल्याचेही ‘डीआरडीओ’कडून सांगण्यात आले.
अशीही क्षमता
जमिनीवरून जमिनीवर मारा करणाऱ्या या क्षेपणास्त्राची क्षमता ही एक ते दोन हजार किलोमीटरपर्यंतची आहे. या क्षेपणास्त्राला आणखी अद्ययावत करत संशोधकांनी घेतलेली त्याची चाचणी कौतुकास्पद असल्याचे ‘डीआरडीओ’चे अध्यक्ष डॉ. जी सतीश रेड्डी यांनी सांगितले. या श्रेणीतील ‘अग्नी प्राइम’ या क्षेपणास्त्राची पहिली यशस्वी चाचणी २८ जून रोजी घेण्यात आली होती. 1,000 ते 2,000 किमी दरम्यान मारक क्षमता असलेल्या अग्नी वर्गाच्या क्षेपणास्त्रांचा हा नवीन पिढीतील प्रगत प्रकार आहे.. अग्नी V ची रेंज जवळपास 5,000 किमी आहे. अग्नी V हे भारतातील सर्वांत लांब पल्ल्याचे बॅलेस्टीक क्षेपणास्त्र आहे.
संरक्षण मंत्री राजनाथ सिंह यांनी या क्षेपणास्त्राच्या यशस्वी उड्डाणाच्या चाचणीसाठी डीआरडीओचे अभिनंदन केले आहे. तसेच या प्रणालीच्या उत्कृष्ट कामगिरीबद्दल त्यांनी आनंद व्यक्त केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
