'घरी परत या'; ड्रिम 11च्या CEOची अमेरिकेत नोकरी गमावलेल्या भारतीयांना ऑफर

जगभरातील, विशेषत: सिलिकॉन व्हॅलीमधील हजारो कर्मचार्‍यांना नोकर कपातीचा फटका बसत असताना, ड्रीम 11 चे सीईओ आणि सह-संस्थापक हर्ष जैन यांनी, ज्या भारतीयांना नोकरी गेली आहे त्यांना मायदेशात परत येण्याचे आवाहन केले आहे. हे कर्मचारी मायदेशी परत येऊन भारतीय टेक कंपन्यांच्या वाढीसाठी मदत करू शकतात असे त्यांनी म्हटले आहे

जैन यांनी LinkedIn वर केलेल्या पोस्टमध्ये लिहिले की, 2022 मध्ये यूएस मधील टेक सेक्टरमधील लेऑफनंतर कृपया भारतीयांना घरी परत येण्याची आठवण करून देण्यात मदत करा (विशेषतः ज्यांना व्हिसासाठी अडचणी य येत आहेत). भारतात परतल्यानंतर त्यांनी पुढील दशकातील संभाव्य हायपर ग्रोथ लक्षात घेऊन भारतीय तंत्रज्ञान कंपन्यांना मदत करावी असेही ते म्हणाले आहेत.

हर्ष जैन यांनी नोकरी गमवलेल्या हजारो कर्मचाऱ्यांना ऑफर देखील दिली आहे. ते म्हणाले की, ड्रीम स्पोर्ट्स नेहमीच गुणवंत विशेषतः डिझाईन, पॉडक्ट आणि तंत्रझान क्षेत्रात नेतृत्वाचा अनुभव असणाऱ्यांच्या शोधात असते.

क्रंचबेस (Crunchbase) अंदाज आहे की, आतापर्यंत 2022 मध्ये अमेरिकन कंपन्यांनी 52,000 हून अधिक टेक्नोलॉजी एक्सपर्ट्सना नोकरीहून काढून टाकले आहे. अनेक बड्या कंपन्या Twitter, Stripe, Salesforce, Lyft, Spotify, Peloton, Netflix, Robinhood, Instacart, Udacity, Booking.com, Zillow, Loom, Beyond Meat आणि इतर यांनी मोठ्या कंपन्यांनी नोकरकपात केली आहे. त्यामुळे हजारो लोक बेरोजगार झाले आहेत.

अनेकांना व्हिसाच्या मुदतवाढीमध्ये अडचणी

नोकरी गेल्यानंतर अमेरिकेत राहणाऱ्या ज्या लोकांकडे H1B व्हिसा आहे त्यांना यानंतर अनेक भारतीय लोक आहेत ज्यांना फटका बसला आहे, हा व्हिसा कामाच्या आधारावर उपलब्ध आहे. कोणाकडे काम नसेल तर त्याला घरी परतावे लागते.

दरम्यान घटती कमाई, कमी जाहिरातदार आणि निधीची कमतरता यामुळे टेक कंपन्यांनी खर्चात कपात करण्याच्या उपाययोजना केल्या आणि हजारो कर्मचाऱ्यांना कामावरून काढून टाकले. नुकतेच टेक जायंट मेटाने देखील 11,00 कर्मचार्‍यांना कामावरून काढून टाकले. इलॉन मस्क यांनी ट्विटरचे अधिग्रहण केल्यानंतर, कंपनीचे अर्धे कर्मचारी घरी पाठवले आहेत.