पुरस्थितीमुळे बेळगाव शहरात पिण्याच्या पाण्यासाठी रांगा  

पुरस्थितीमुळे बेळगाव शहरात पिण्याच्या पाण्यासाठी रांगा  

बेळगाव - शहरात शनिवारी सकाळपासून पावसाचा जोर कमी झाला आहे. मात्र शहराला पाणी पुरवठा करणाऱ्या पंप हाऊसमध्ये अद्यापही पुराचे पाणी आहे. गेल्या आठ दिवसांपासून शहराला पाणी पुरवठा झालेला नाही. यामुळे पाणी पुरवठा मंडळ आणि विविध संघटनाकडून टँकरद्वारे पाणी वितरण करण्यात येत आहे. पण टँकर गल्लीत येताच महिलांची पाण्यासाठी झुंबड होत आहे.

पुरस्थितीमुळे हिंडलगा आणि हिडकल येथील पंप हाऊस पूर्णपणे बंद ठेवण्यात आले आहेत. याचा फटका शहरातील लाखो नागरिकांना बसला आहे. घरात शिरलेले पाणी काढण्यासाठी चार दिवसांपासून कष्ट घेतलेल्या नागरिकांना आता पाण्यासाठी धावपळ करावी लागत आहे. तसेच शहरातील अनेक भागात खंडित झालेला वीज पुरवठा अद्यापही सुरू झालेला नाही.

नागरिकांना पिण्याच्या पाण्यासाठी बॉटल बंद पाण्यावर अवलंबून रहावे लागत आहे. परंतु खासगी पाणी शुद्धीकरण केंद्रातही पाणी भरल्याने नागरिकांना अधिक प्रमाणात बॉटल बंद पाणी मिळणेही बंद झाले आहे.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com