कोविड सेंटरमध्ये कुटुंबाने केलेला डान्स व्हायरल...

कतनी (मध्य प्रदेश): कोरोना व्हायरसचा अहवाल निगेटिव्ह आल्यानंतर एका कुटुंबातील आठ सदस्यांनी कोविड सेंटरमध्ये डान्स केला. संबंधित व्हिडिओ सोशल मीडियावर व्हायरल होत आहे.

पोलिसांनी घराचा दरवाजा तोडला अन् बसला धक्का...

एका कुटुंबातील 19 सदस्यांना कोरोनाची लागण झाल्यामुळे आठ ऑगस्ट रोजी कोविड सेंटरमध्ये दाखल करण्यात आले होते. उपचारानंतर त्यांची पुन्हा चाचणी करण्यात आली. अहवाल निगेटिव्ह आल्यामुळे कुटुंबातील सदस्य आनंदात होते. घरी जाण्यापूर्वी त्यांनी कोविड सेंटरमध्ये दिवंगत अभिनेता सुशांत सिंगच्या छिछोरे या चित्रपटातील 'चिंता करके क्या पायेगा, मरने से पहले मर जायेगा...' या गाण्यावर डान्स केला.

कोविड सेंटरमध्ये केलेल्या डान्सचा व्हिडिओ सोशल मीडियावर व्हायरल होत आहे. डान्स करणाऱयांमध्ये लहान मुलांचाही समावेश आहे. डान्स करत त्यांनी आनंद व्यक्त केला आहे. दरम्यान, कोरोना रुग्णांना मानसिक आधार मिळण्यासाठी आम्ही नृत्य केला आहे, असे कुटुंबातील सदस्यांनी सांगितले.

पोलिस युवतीला म्हणाले; अगोदर नाचून दाखव...