पोलिस युवतीला म्हणाले; अगोदर नाचून दाखव...

कानपूर (उत्तर प्रदेश): एक युवती तक्रार देण्यासाठी पोलिस चौकीत गेली होती. यावेळी पोलिसांनी तिला प्रथम नाचून दाखवण्यास सांगितले. संबंधित व्हिडिओ सोशल मीडियावर व्हायरल होत असून, नागरिकांनी प्रतिक्रियांच्या माध्यमातून पोलिसांवर टीका केली आहे.

पोलिसांनी घराचा दरवाजा तोडला अन् बसला धक्का...

कानपूरजवळील दुबाऊलीमधील गोविंद नगर येथे भाड्याच्या घरात राहणार्‍या युवतीचे कुटुंब जागरण गोंधळ करुन उदर्निवाह करत आहे. गेल्या काही दिवसांपूर्वी घर मालकाचा पुतण्या अनुप यादव आणि युवतीच्या कुटुंबामध्ये वाद झाला. अनुपने मुलीची छेड काढली. शिवाय, कुटुंबाला घर सोडण्यास सांगून घरातील साहित्य घराबाहेर फेकून दिले. घरात घुसून विनयभंग करण्याचा प्रयत्न केला. संबंधित घटना 26 जुलै रोजी घडली होती. या घटनेनंतर 7 ऑगस्ट रोजी रात्री माझी मुलगी बाजारामधून घरी येत असतानाच अनुपने तिची छेड काढली. त्यानंतर आम्ही गोविंद नगरचे पोलिस निरीक्षक अनुराग मिश्रा यांच्याकडे तक्रार देण्यासाठी गेलो होतो. यावेळी त्यांनी माझ्या मुलीला आधी नाचून दाखव त्यानंतरच आम्ही तक्रार दाखल करुन घेऊ असे सांगितले, असे युवतीच्या आईने प्रसारमाध्यमांशी बोलताना सांगितले.

मंत्र्यांच्या बहिणीने घेतला दुकानदाराचा चावा!

दरम्यान, पोलिस चौकीमधील युवतीचा व्हिडिओ सोशल मीडियावर व्हायरल झाल्यानंतर संबंधित घटना चर्चेत आली आहे. याबाबत वरिष्ठ पोलिसांनी चौकशीचे आदेश दिले आहेत.