'बाप' नावाचा माणूस सोशल मीडियावर व्हायरल...

मांडू (मध्य प्रदेश): एका व्यक्तीने आपल्या मुलाला परिक्षेच्या ठिकाणी पोहचविण्यासाठी सायकलवरून बसवून तब्बल 105 किलोमीटरचे अंतर पार केले. दोघांचे छायाचित्र सोशल मीडियावर व्हायरल होत असून, वडिलांवर शुभेच्छांचा वर्षाव होत आहे.

दुकानदाराच्या 'ऑफर'नंतर खरेदीसाठी गर्दी; पण...

सोशल मीडियावर व्हायरल झालेले छायाचित्र पाहिल्यानंतर वडिलांची हिंमत आणि जिद्दीची कल्पना येते. मुलाला दहावीच्या परिक्षा देता यावी यासाठी वडिलांनी १०५ किलोमीटरचे अंतर सायकलने पार केले आहे. सायकलवर मुलासह खाण्याच्या वस्तूही आहेत. एवढे वजन घेऊन त्यांनी मोठा टप्पा पार केला.

प्रसारमाध्यमांनी दिलेल्या वृत्तानुसार, मध्य प्रदेशात दहावी आणि बारावीच्या परिशक्षेत अयशस्वी झालेल्या विद्यार्थ्यांना पुन्हा परिक्षेची संधी दिली जाते. बयडीपुर येथील आशिष दहवीच्या परिक्षेत तीन विषयांमध्ये अयशस्वी झाला होता. त्यामुळे त्याला पुन्हा परिक्षा द्यायची होती. पण, लॉकडाऊनमुळे वाहने बंद आहेत. गावापासून परिक्षेचे ठिकाणी 105 किलोमीटर अंतरावर आहे. यामुळे आशिषचे वडील शोभाराम यांनी सायकलवरून प्रवास करण्याचे ठरवले. सोमवारी (ता. 17) रात्री १२ वाजता शोभाराम आपल्या मुलासह निघाले. तब्बल ७ तास सायकल चालवून ते धार येथे पोहचले. त्यानंतर मंगळवारी सकाळी ८ वाजता पेपरची वेळ सुरू होणार होती. परिक्षा सुरू होण्याच्या १५ मिनिटे आधी हे दोघे परिक्षाकेंद्रावर पोहोचले. बुधवारी आणि गुरवारी पुढील पेपर असल्यामुळे दोघेही परिक्षाकेंद्राजवळ राहाणार आहेत.

भिक्षेतून मिळवलेली रक्कम कोरोना रुग्णांसाठी दान...

मजुरीचे काम करत असलेले शोभाराम यांनी सांगितले की, 'परिस्थितीमुळे मी शिक्षण घेऊ शकलो नाही. पण, मुलाला शिकवून खूप मोठे बनवायचे आहे. गावातून 500 रुपये उसने घेऊन परिक्षेच्या ठिकाणी दाखल झालो आहोत.' दरम्यान, शोभाराम यांचा मुलासह सायकलवरील छायाचित्र व्हायरल होत असून, त्यांचे मोठ्या प्रमाणात कौतुक होत आहे.