नवी दिल्ली- सोमवारी हाथरस पीडितेचे कुटुंबीय अलाहाबाद हाय कोर्टासमोर उपस्थित झाले होते. त्यानंतर आपल्या बुलगाडी गावात आल्यापासून त्यांची प्रकृती ठिक नसल्याचे सांगण्यात येत आहे. पीडितेची आई, कुटुंबातील इतर दोन सदस्यांना रुग्णालयात घेऊन जाण्यात आले आहे. पण पीडितेच्या वडिलांनी रुग्णालयात जाण्यास नकार दिला असल्याचं कळत आहे.
हाथरस वैद्यकीय अधिकारी ब्रिजेश राठोड यांनी 'एएनआय' या वृत्त संस्थेला ही माहिती दिली आहे. हाथरस पीडित कुटुंबीय आजारी पडल्यानंतर राठोड यांनी गावात जाऊन त्यांची भेट घेणार असल्याचं सांगितलं आहे. याआधी एक वैद्यकीय टीम कुटुंबीयांच्या भेटीसाठी गेली होती. पीडितेच्या वडिलांचा ब्लड प्रेशर वाढला आहे. असे असले तरी त्यांनी रुग्णालयात जाण्यास नकार दिला आहे.
दरम्यान, सीबीआयची टीम Central Bureau of Investigation (CBI) तपासासाठी हाथरसमध्ये पोहोचली आहे. 14 सप्टेंबर रोजी झालेल्या एका दलित मुलीच्या कथित सामूहिक बलात्कार आणि हत्या प्रकरणी सीबीआय तपास करत आहे. पीडितेची आई आणि भावाला गुन्हा झाला त्याठिकाणी घेऊन जाण्यात आले आहे. सीबीआयने आरोपींविरोधात गुन्हा दाखल केला आहे. 11 ऑक्टोंबर रोजी सीबीआयने या प्रकरणाची सूत्रे हाती घेतली होती.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.