Smriti Irani: राजीव गांधींचा मृत्यू झाला तेव्हा वडील रडले होते; स्मृती इराणींनी सांगितल्या जुन्या आठवणी

Smriti Irani: केंद्रीय मंत्री स्मृती इराणी यांनी जुन्या आठवणींना उजाळा दिला. त्यांनी काही दिवसांपूर्वी त्यांचे वडील अजय कुमार मल्होत्रा यांच्यासह पंतप्रधान नरेंद्र मोदी यांची भेट घेतली होती. ही भेट पालक-शिक्षकांसारखी असल्याचा अनुभव स्मृती इराणी यांनी सांगितले होते. दरम्यान या संदर्भात त्यांनी एएनआयशी बोलतांना काही जुन्या गोष्टी सांगितल्या.

जगात भारताची विश्वासार्हता वाढत आहे. नरेंद्र मोदी चांगले काम करत आहेत, असे वडिलांनी म्हटल्याचे स्मृती इराणी यांनी सांगितले. यावेळी त्यांनी राजीव गांधी यांच्याबाबत देखील त्यांच्या वडिलांची भूमिका स्पष्ट केली.

राजीव गांधी यांच्या निधनानंतर वडिलांनी राजकारणातील सक्रिय योगदान थांबवले होते. मी त्यांना रडताना पाहीले आहे, असे देखील  स्मृती इराणी यांनी सांगितले.

स्मृती इराणी सुरुवातीपासून नरेंद्र मोदी सरकारमध्ये मंत्रीपद सांभाळत आहेत. ते अमेठीचे लोकसभा खासदार देखील आहेत, त्यांनी काँग्रेसचे राहुल गांधी यांचा पराभव केला होता.