सोमवारी सकाळी उत्तर प्रदेशातील आग्रा येथे ताजमहालजवळ झालेल्या गोळीबाराच्या घटनेमुळे गोंधळ उडाला होता. एक दिवस आधी आग्रा विमानतळ उडवून देण्याची धमकी देण्यात आली होती. या झालेल्या गोळीबारामुळे सुरक्षा व्यवस्थेवर प्रश्नचिन्ह निर्माण झाले आहे. आग्रा येथील अमरूद टीला पोलीस बॅरिकेडिंगमध्ये गोळीबाराची घटना घडली. या घटनेनंतर पर्यटक आणि स्थानिक लोकांमध्ये घबराट पसरली.