देशात प्रथमच दुर्मिळ मोटारींचा ई-लिलाव

देशात प्रथमच दुर्मिळ मोटारींचा ई-लिलाव

मुंबई : काळाच्या पडद्याआड गेलेल्या, आलिशान तसेच राजघराण्यांच्या श्रीमंतीचा वारसा सांगणाऱ्या दुर्मिळ मोटारींचा (विंटेज कार) भारतात प्रथमच ऑनलाईन लिलाव होणार आहे. जुन्या जमान्यातील मात्र लाखात एक असलेल्या या गाड्यांच्या खरेदीसाठी शेकडो मोटारप्रेमींनी ई-लिलावात सहभाग घेतला आहे. मंगळवारी (ता.20) पहिल्यादिवशी रोल्स रॉईस मोटारीसाठी जवळपास 80 लाखांची बोली लावण्यात आली. 

मुंबईतील "आस्तागुरू' या कंपनीतर्फे हा ई-लिलाव होत आहे. दोन दिवस चालणाऱ्या या लिलावात 10 मोटारींसाठी बोली लावली जाणार आहे. या मोटारींची किमान आधारभूत किंमत आठ लाखांपासून ते एक कोटींच्या दरम्यान आहे. मॉरीस, ऍम्बेसॅडर, मर्सिडिझ बेंझ, फियाट, शेव्हर्ले, रोल्स रॉईस, बिटल आदी मोटारींचा लिलावासाठी समावेश आहे. पहिल्या दिवशी "मॉरीस 8' फियाट, रोल्स रॉईस आणि मर्सिडिझ बेंझ या विंटेज कारसाठी बोली लावण्यात आली.

ब्रिटनमध्ये लोकप्रिय ठरलेल्या 1937 मधील "मॉरीस 8' साठी 8 लाख 71 हजारांची बोली लागली, तर 1963 सालातील फियाटसाठी 4 लाख, मर्सिडिझ बेंझसाठी 19 लाख 80 हजार आणि "रोल्स रॉईस सिल्व्हर व्रेथ'साठी 79 लाखांची बोली लागली होती. भारतात किमान पाच ते सहा हजार विंटेज कार आहेत. त्यातील बहुतांश मोटारी या राजघराण्यांकडे आणि बड्या उद्योगपतींकडे आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com