जम्मू काश्मीर : LOC जवळील जंगलात लागलेल्या आगीत भूसुरुंगांचा स्फोट

जम्मू : जम्मू-काश्मीरमधील पूंछ जिल्ह्यातील नियंत्रण रेषेजवळील (Line of Control) जंगलात लागलेल्या आगीमुळे अनेक भूसुरुंगांचा स्फोट झाला. अधिकाऱ्यांनी बुधवारी ही माहिती दिली. सोमवारी नियंत्रण रेषेजवळील जंगलातील आग मेंढर सेक्टरमधील भारतीय सीमेपर्यंत पसरली होती. या आगीमुळे, सुमारे अर्धा डझन भूसुरुंगांचा स्फोट झाला, ज्या घुसखोरी रोखण्यासाठी करण्यात आलेल्या उपयांचा (Anti-infiltration obstacle system) हे भूसुरुंग भाग होते.

वनपाल कनार हुसेन शाह यांनी सांगितले की, 'गेल्या तीन दिवसांपासून जंगलात आग लागली आहे. आम्ही लष्करासह ते विझवण्याचा प्रयत्न करत आहोत. आग आटोक्यात आणण्यात आली मात्र आज सकाळी ती दरमशाल ब्लॉकमध्ये सुरू झाली आणि जोरदार वाऱ्यामुळे ती वेगाने पसरली. नंतर ती सीमावर्ती गावाजवळ आल्यानंतर ती आटोक्यात आली, असे ते म्हणाले. बुधवारी अधिकाऱ्यांनी सांगितले की, राजौरी जिल्ह्यातील सीमेजवळील सुंदरबंदी भागात आग लागली आणि ती इतर वनक्षेत्रातही पसरली.