Karnataka Politics : कर्नाटकात काँग्रेसला मोठा धक्का; माजी मुख्यमंत्र्यांची भाजपमध्ये पुन्हा 'घरवापसी'

Karnataka Politics : कर्नाटकात काँग्रेस पक्षाला (Karnataka Congress) मोठा धक्का बसला आहे. राज्याचे माजी मुख्यमंत्री जगदीश शेट्टर (Jagadish Shettar) यांनी भाजपमध्ये प्रवेश केला आहे.

आज (गुरुवार) सकाळी त्यांनी दिल्लीतील भाजप मुख्यालयात भाजप नेते आणि कर्नाटकचे माजी मुख्यमंत्री येडियुरप्पा यांच्या उपस्थितीत पक्षात पुन्हा प्रवेश केला. येडियुरप्पा यांच्यासह जगदीश शेट्टर भाजप कार्यालयात पोहोचले होते.

कर्नाटक विधानसभा निवडणुकीपूर्वी (Karnataka Assembly Elections) भाजपने तिकीट नाकारल्याने त्यांनी काँग्रेसमध्ये प्रवेश केला होता. काँग्रेसने त्यांना हुबळी-धारवाडमधून उमेदवारी दिली होती. मात्र, त्यांचा पराभव झाला. नंतर काँग्रेस पक्षाने त्यांना एमएलसी बनवले. सूत्रांकडून मिळालेल्या माहितीनुसार, जगदीश शेट्टर यांनी भाजपमध्ये प्रवेश करण्यापूर्वी अमित शहा यांची भेट घेतली होती.