DB Inamdar : माजी मंत्री डी. बी. इनामदार यांचं निधन; वयाच्या 74 व्या वर्षी घेतला अखेरचा श्वास

कर्नाटकात 10 मे रोजी विधानसभा निवडणूक (Karnataka Assembly Election) होणार आहे, तर 13 मे रोजी निकाल लागणार आहे. मात्र, असं असतानाच आता मोठी बातमी समोर आलीये.

माजी मंत्री व कित्तूरचे माजी आमदार डी.बी. इनामदार (वय 74) यांचे आज मंगळवार दि. 25 रोजी निधन झालं. दीर्घकाळापासून फुफ्फुस आणि यकृत समस्यांनी ते त्रस्त होते. त्यांच्यावर बेंगळूरच्या मणिपाल इस्पितळात (Manipal Hospital Bangalore) उपचार सुरु होते.

उपचारादरम्यान त्यांचं (DB inamdar) आज निधन झालं. उद्या बुधवार दि. 26 रोजी दुपारी 2 वाजता त्यांचे मुळ गाव नेगिनहाळ इथं त्यांच्या पार्थिवावर अंत्यसंस्कार होणार असल्याची माहिती त्यांच्या कुटुंबीयांनी दिली आहे. आज पर्यंत ते 5 वेळा आमदार म्हणून निवडून आले होते.