रामेश्वर - भारताचे माजी राष्ट्रपती दिवंगत एपीजे अब्दुल कलाम यांचे मोठे बंधू मोहम्मद मुथु मीरान मरैकयार यांचे रविवारी निधन झाले. मरैकयार यांनी वयाच्या 104 व्या वर्षी अखेरचा श्वास घेतला. त्यांच्या मागे एक मुलगा, दोन मुली असा परिवार आहे. त्यांच्या पत्नीचे याआधीच निधन झाले आहे. मोहम्मद मुथु मीरान यांना वयानुसार होणारे काही आजार झाले होते. यामध्ये त्यांच्या एका डोळ्याला इन्फेक्शनही झालं होतं.
तामिळनाडुचे मुख्यमंत्री ओ पनीरसेल्वम आणि डीएमकेचे अध्यक्ष एमके स्टॅलिन यांनीही मरैकयार यांच्या निधनानंतर शोक व्यक्त केला आहे. माजी राष्ट्रपती एपीजे अब्दुल कलाम यांचे 27 जुलै 2015 ला निधन झाले.
कलाम यांचे भाऊ मोहम्मद मुथु मीरान मरैकयार हे तामिळनाडुत राहत होते. त्यांचा जन्म 1917 मध्ये तामिळनाडुतील रामेश्वरम इथल्या पंबन मध्ये झाला होता. त्यावेळी हा भाग मद्रास प्रेसिडेन्सी अंतर्गत येत होता. मोहम्मद मुथु मीरान मरैकयार यांचे वडील नाविक होते आणि त्यांचे शिक्षणही फारसे झाले नव्हते.
मोहम्मद मुथु मीरान मरैकयार आणि एपीजी अब्दुल कलाम यांचे वडील हे मच्छिमारांना भाड्यानं नाव देत होते. कलाम यांचे बंधू छत्री दुरुस्तीचं काम करायचे. काही वर्षांपूर्वी मुथु मीरा यांचा एक फोटो व्हायरल झाला होता. त्यात ते छत्री दुरुस्त करताना दिसत होते. दुकानात कलाम यांचा मोठा फोटोही लावण्यात आला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.