नवी दिल्ली - नोकरीच्या मुद्यावरून गोव्याचे मुख्यमंत्री प्रमोद सावंत यांचे वक्तव्य सध्या चर्चेत आहे. सर्वांना सरकारी नोकरी देणं देवाच्याही हातात नाही असं त्यांनी म्हटलं. एका कार्यक्रमावेळी प्रमोद सावंत यांनी पंचायत प्रतिनिधींशी चर्चेवेळी हे वक्तव्य केलं. प्रमोद सावंत म्हणाले की, सर्वांना सरकारी नोकरी देणं शक्य नाही. उद्या देव जरी मुख्यमंत्री झाले तरी हे शक्य नाही.
गोव्यातील लोकांना रोजगार मिळवून देण्यासाठी 'स्वयंपूर्ण मित्र' सुरू कऱण्यात आलं आहे. सरकारच्या पुढाकाराने स्वयंपूर्ण मित्र हे राजपत्रित अधिकारी पंचायतींचा दौरा करतील आणि विकासाच्या योजनांना ग्राउंड लेव्हलवर लागू करण्यासाठी उपाययोजना करतील. गावातील साधने कोणती? त्यांचा वापर करण्याबाबत नागरिकांना सल्ला देऊन आत्मनिर्भर बनण्यासाठी मदत केली जाईल.
गोव्यात राज्य सरकारने रेशन कार्ड धारकांसाठी एक विशेष मोहिम सुरू केली आहे. याअंतर्गत 32 रुपये प्रति किलो दराने कांदा उपलब्ध करून दिला जाणार आहे. एका वरिष्ठ अधिकाऱ्याने शनिवारी याची माहिती दिली. कांद्याच्या किंमती सातत्याने वाढत असून बुधवारी गोव्याच्या राज्य मंत्रिमंडळाने स्वस्तात कांदा देण्याच्या प्रस्तावाला मंजुरी दिली.
राज्य सरकारने म्हटलं की,नॅशनल अॅग्रीकल्चर कोऑपरेटिव्ह मार्केटिंक फेडरेशन (नाफेड) कडून 1 हजार 45 मेट्रिक टन कांदा खरेदीचे आदेश देण्यात आले असून याचा पूरवठा रेशन कार्ड धारकांना दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
