Gujarat Election: मोदींच्या गुजरातमध्ये १८ गावातील लोकांचा निवडणुकीवर बहिष्कार; कारण...

गुजरात विधानसभा निवडणुका तोंडावर आल्या आहेत. निवडणुकीच्या तारखाही जाहीर झाल्या असून सर्व पक्षांनी तयारी केली आहे. मात्र नवसारी विधानसभेतील 18 गावांतील लोकांनी सर्वच पक्षांची चिंता वाढवली आहे. या ग्रामस्थांनी निवडणुकीवर बहिष्कार टाकण्याची घोषणा केली आहे. एवढेच नाही तर भाजपसह अन्य पक्षांच्या नेत्यांना गावात येण्यास आणि प्रचार करण्यासही बंदी घालण्यात आली आहे.

हेही वाचा : गौतमी नाचली, तुमचं काय गेलं?

अंचेली रेल्वे स्थानकावर लोकल गाड्या थांबत नाहीत. रेल्वे स्थानकावर गाड्या थांबाव्यात अशी ग्रामस्थांची अनेक दिवसांपासून मागणी होती. मात्र त्यांची मागणी मान्य झाली नाही. त्यामुळे संताप व्यक्त होत आहे. अंचेली रेल्वे स्थानक व इतर स्थानकांवर ग्रामस्थांच्या वतीने बॅनरही लावण्यात आले आहेत. त्या बॅनरवर 'नो ट्रेन, नो व्होट' असे लिहिले आहे.

रेल्वे स्थानकावर गाडी न थांबल्याने अनेक समस्यांना सामोरे जावे लागत असल्याचे ग्रामस्थांचे म्हणणे आहे. एखाद्या व्यक्तीला दुसऱ्या ठिकाणी जाण्यासाठी किमान 300 रुपये खर्च करावे लागतात. गावात राहणाऱ्या विद्यार्थ्यांनाही अभ्यासात अडचणी येत असल्याचे ग्रामस्थ सांगतात. अनेकदा त्यांना कॉलेजला जायला उशीर होतो.

ग्रामस्थांच्या मते, 1966 पासून अंचेली रेल्वे स्थानकावर गाड्या थांबत आहेत. पूर्वी पॅसेंजर ट्रेन येथे थांबत असत, नंतर त्यांची संख्या वाढली. मात्र, कोरोना महामारीच्या काळात या स्थानकावर गाड्या थांबत होत्या. मात्र आता कोरोना संपला असतानाही येथे गाड्या थांबत नाहीत. येथे गाडी थांबली नाही तर मतदानाच्या दिवशी कोणीही मतदानाला जाणार नाही.