Gujarat Rain Update: गुजरातमध्ये पावसाचा हाहाकार, २४ तासांत तब्बल १०६४ मिमीची नोंद; तिसऱ्या क्रमांकाचा विक्रम

पुणे/वलसाड: गुजरातच्या वलसाड जिल्ह्यातील उमरगाम येथे गुरुवारी गेल्या २० वर्षांतील सर्वाधिक, तर नोंदींमधील तिसऱ्या क्रमांकाच्या विक्रमी पावसाची नोंद झाली. उमरगाम येथे गुरुवारी सकाळी साडेआठपर्यंतच्या २४ तासांत तब्बल १०६४ मिलिमीटर पाऊस नोंदला गेला. याआधी पश्चिम किनारपट्टीवर मुंबईच्या सांताक्रूझ येथे २७ जुलै २००५ रोजी ९४४.२ मिलिमीटर इतक्या सर्वाधिक पावसाची नोंद झाली होती.