Gujrat - पार्क केलेल्या बसमध्ये अल्पवयीन मुलीवर बलात्कार | Sakal
sakal

बोलून बातमी शोधा

rape case

16 वर्षीय मुलीवर एका अल्पवयीनाने बसमध्ये बलात्कार केला. यावेळी त्याच्या दोन साथीदारांनी बाहेरून बसला लॉक लावलं होतं.

गुजरात - पार्क केलेल्या बसमध्ये अल्पवयीन मुलीवर बलात्कार

गांधीनगर - गुजरातमध्ये (Gujrat) अल्पवयीन मुलीवर बलात्काराची धक्कादायक घटना घडली आहे. रस्त्याशेजारी उभा असलेल्या बसमध्ये बलात्कार केल्याचा प्रकार समोर आला आहे. पोलिसांनी याबाबतची माहिती बुधवारी दिली. वडोदरा (Vadodara) शहरात १६ वर्षीय मुलीवर बलात्कार प्रकरणी पोलिसात तक्रार दाखल करण्यात आली आहे.

याबाबत मिळालेली माहिती अशी की, २ जानेवारी रोजी रात्री उशिरा शहरातील न्यू व्हीआयपी रोड परिसरात हा प्रकार घडला. या प्रकरणी एका अल्पवयीन आरोपीला ताब्यात घेण्यात आलं आहे. तसंच त्याच्यासोबत असलेल्या दोघांचा शोध घेतला जात आहे.

हरनी पोलिस ठाण्याच्या अधिकाऱ्यांनी सांगितलं की, दोन जानेवारीला रात्री आठ वाजण्याच्या सुमारास आदिवासी समाजातील १६ वर्षीय मुलीला अल्पवयीन मुख्य आरोपीसह दोन सहकाऱ्यांनी बसमध्ये खेचलं. फरार आरोपींनी मुलीला जबरदस्तीने बसमध्ये ओढण्यासाठी मुख्य आरोपीला मदत केली. त्यानंतर दोघेही बाहेर निघून गेले आणि बसला कुलुप घातलं. त्यानतंर अल्पवयीन आरोपीने मुलीवर बलात्कार केला.

हेही वाचा: 'बहिणीसाठी निवडणूक प्रचार करणार नाही'; सोनू सूदने केलं स्पष्ट

मुख्य आरोपीने मुलीला धमकी देत याबद्दल कोणतीही वाच्यता न करण्यास सांगितलं आहे. पोलिसांनी अल्पवयीन आरोपीला अटक केली आहे. त्याच्या दोन सहकाऱ्यांचा शोध सुरु असून त्यांचे वय मात्र पोलिसांनी सांगितलेलं नाही. घटनेनंतर पीडीत अल्पवयीन मुलगी तिच्या नातेवाईकांसोबत मध्यप्रदेशात तिच्या मूळ गावी गेली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :GujaratIndia
loading image
go to top