गांधी कुटुंबाला मोठा झटका; तपासासाठी सरकारनं नेमली समिती

नवी दिल्ली : गांधी कुटुंबाला एक मोठा झटका बसला असून राजीव गांधी फाउंडेशननं परदेशातून देणग्या घेताना कायद्याचं उल्लंघन केल्याचा आरोप त्यांच्यावर ठेवण्यात आला आहे. या प्रकरणाचा केंद्र सरकार तपास करणार असून केंद्र सरकारनं प्रकरणाच्या चौकशीसाठी आंतर मंत्रालयीन समिती स्थापन केली आहे. ईडीचे संचालक या समितीचे प्रमुख असणार आहेत.

ताज्या बातम्यासाठी डाऊनलोड करा ई-सकाळचे अॅप

पुण्याच्या बातम्या वाचण्यासाठी येथे क्लिक करा

कोणाची होणार चौकशी?
परदेशातून स्वीकारण्यात आलेल्या देणग्यासंदर्भात केंद्र सरकार राजीव गांधी फाउंडेशनबरोबरच गांधी कुटुंबाचा संबंध असणाऱ्या इतर दोन फाउंडेशनची चौकशी करणार आहे. यात राजीव गांधी चॅरिटेबल ट्रस्ट व इंदिरा गांधी मेमोरियल ट्रस्ट यांचा समावेश आहे.

काय आहे प्रकरण?
राजीव गांधी फाउंडेशननं परदेशातून विशेषतः चीनकडून देणग्या घेताना पीएमएलए, आयकर कायदा, एफसीआरए या कायद्यातील विविध नियमांचं उल्लंघन केल्याचा आरोप आहे. ही माहिती समोर आल्यानंतर केंद्र सरकारनं तपास करण्याचा निर्णय घेतला आहे.

भाजपाध्यक्ष जे पी नड्डा यांचा आरोप
एका व्हर्च्युअल रॅलीला संबोधित करताना भाजपचे राष्ट्रीय अध्यक्ष जे.पी. नड्डा यांनी काँग्रेसवर चीनकडून लाच घेतल्याचा आरोप केला होता. राजीव गांधी फाउंडेशनला चीनकडून मिळालेल्या देणगीवरून हा आरोप करण्यात आला होता. २००५-०६मधील राजीव गांधी फाउंडेशनला डोनेशन देणाऱ्यांची यादी आहे. यात चीनच्या दूतावासानेही डोनेशन दिलं आहे. हे स्पष्टपणे दिलं आहे. हे असं का झालं. याची काय गरज पडली? यात अनेक उद्योगपतींचीही नावं आहेत. चीनच्या दूतावासाकडून लाच घेतली हे पुरेसं नव्हतं का? काँग्रेसनं याचं उत्तर द्यावं की चीनसोबत इतकं प्रेम का आहे? देशाला जाणून घ्यायचं आहे की, राजीव गांधी फाउंडेशनला इतका पैसा कोणत्या गोष्टीसाठी देण्यात आला आणि त्यांनी देशात कोणता अभ्यास केला. लोकांना आपल्या बाजूनं करण्यासाठी अनेक युक्त्या असतात आणि आज चीनविरोधात असे उभे आहेत, जसं की यांच्या बरोबरीचं कुणीच नाही, असा आरोप नड्डा यांनी काँग्रेसवर केला होता.