भाच्याने मामाचा काटा काढल्याची धक्कादायक घटना उत्तरप्रदेशातील कौशांबीमध्ये समोर आली आहे. मामीच्या बहिणीला घेऊन दोन वेळा भाचा फरार झाला, याचा मामाला राग आला आणि त्याला खडसावले. त्यामुळे भाच्याने मित्राच्या मदतीने त्याचा खून केला. आरोपीने मामाला एका निर्जन ठिकाणी बोलावले, त्याच्या डोक्यात वार करून त्यांची हत्या केली आणि अपघात झाल्याचे भासवण्यासाठी मृतदेह रस्त्याच्या कडेला फेकून दिला.