Crime news : पतीनेच केले स्वतःच्या पत्नीचे अपहरण! मित्रांसमवेत बलात्कार करून अशी केली हत्या...

गुजरात मधील दाहोदमध्ये एक हृदय पिळवटून टाकणारी घटना समोर आली आहे. एका पतीनेच त्याच्या पत्नीचे अपहरण करून मित्रांसमवेत तिचा बलात्कार केला व तिला मारहाण करत तिची हत्या केली. या घटणेची माहिती पोलिसांना कळल्यानंतर या प्रकरणी दखल घेउन आरोपीला अटक केले, व पुढील चौकशी सुरू केली आहे.

एका पोलीस अधिकाऱ्यांनी दिलेल्या माहितीनुसार ही महिला तिच्या पतीपासून वेगळी होऊन मेहसाणाच्या चान्समा येथे एका पुरुषासोबत राहत होती. या महिलेला चार मुले असून ते तिच्या पती सोबतच राहत आहे. ही महिला 28 मे रोजी एका लग्न समारंभात सहभागी होण्यासाठी आली. तेथे तिचा पती त्याच्या तीन मित्रांन समवेत आला होता.

पहिले त्याने महिलेला भेटण्यासाठी बोलवले, तिने भेटण्यासाठी नकार दिल्यानंतर त्याने तिचे अपहरण केले व तिला एका वाहनात मारगाळा गावात आणून तिच्यावरती तिघांनी बलात्कार केला. महिला मदतीसाठी आरडाओरडा करत होती, मात्र तिचा पती तिला मारहाण करत होता. दरम्यान, कोणीतरी या घटनेचा व्हिडिओ बनवून सोशल मीडियावर टाकला, त्याची दखल घेत पोलिसांनी आरोपीला अटक केली. या प्रकरणाची पतीसह तिघांना अटक केली असून त्यांची चौकशी सुरू आहे. असे पोलिसांनी सांगितले.