Video: महामार्गावर कपडे काढून काढत होते छायाचित्र अन्...

हैदराबाद: महामार्गावर रात्रीच्या वेळी कपडे काढून छायाचित्र काढत असताना पोलिस आले आणि त्यांना ताब्यात घेतले. संबंधित कारवाईचा व्हिडिओ सोशल मीडियावर व्हायरल झाला आहे.

पत्नीचे शिर हातात घेऊन चालत निघाला...

हैदराबादमधील येथे तयार करण्यात आलेला दुरूगाम-छेरुवू द्रुतगती मार्गावर हा प्रकार घडला आहे. या महामार्गावर नागरिक थांबून सेल्फी घेत असतात. सध्या तो सेल्फी पॉइंट झाला असल्यामुळे पोलिसांना घटनास्थळी सीसीटीव्ही लावले आहेत. 1 ऑक्टोबर रोजी दोन मुले या पूलावर झोपून सेल्फी काढत होते. शिवाय, वेगवेगळ्या बाजूने फोटो काढण्याचा प्रयत्न करत होते. संबंधित प्रकार सीसीटीव्हीद्वारे पोलिसांनी पाहिला. यानंतर पोलिसांनी तत्काळ घटनास्थळी धाव घेतली आणि दोघांना ताब्यात घेतले.

व्हिडिओमध्ये पाहायला मिळते की, एक मुलगा झोपलेला असून, दुसरा मुलगा त्याचे फोटो काढत आहे. पोलिसांची अचानक गाडी आल्यानंतर त्यातील एक मुलगा पळून जाऊ लागला. पोलिसांनी दोघांनाही ताब्यात घेतले आहे. शिवाय, रस्त्यावर अशा प्रकारचे स्टंट करू नका म्हणून पोलिसांनी सांगितले आहे. मात्र, नागरिक पूलावर थांबून छायाचित्रे काढताना दिसतात. यामुळे अपघात होण्याची शक्यता आहे.