गोमांस खाल्ल्यामुळे केरळमध्ये 24 जणांवर बहिष्कार!

केरळच्या (Kerala) इडुक्की (Idukki) जिल्ह्यात गोमांस (Beef) खाल्ल्याबद्दल आदिवासी समुदायातील 24 पुरुषांवर ओरुकुटम (Orukutam) (आदिवासी परिषद) ने सामाजिक बहिष्कार टाकला आहे. या समाजात गोमांस खाण्यास मनाई आहे. या डोंगराळ जिल्ह्यातील मरूर जंगल (Marur Forest) परिसरात ही घटना घडल्याचे पोलिसांनी (Police) सांगितले. स्थानिक स्वराज्य संस्था (Local Self-Governing Bodies) आणि आदिवासी (Tribal) विभागाचे अधिकारी आदिवासी समाजाच्या प्रमुखांशी चर्चा करून हे प्रकरण सोडवण्यात गुंतले आहेत. याप्रकरणी कोणीही पोलिसात तक्रार दाखल केली नसल्याने याप्रकरणी गुन्हा दाखल करण्यात आलेला नाही. (In Kerala 24 people were boycotted for eating beef)

विविध स्रोतांकडून मिळालेल्या माहितीच्या आधारे पोलिस या प्रकरणाचा तपास करत आहेत. एका वरिष्ठ पोलिस अधिकाऱ्याने सांगितले की, या सर्व 24 लोकांनी जंगलातील झोपडीतून बाहेर येऊन गोमांस खाल्ले होते. ही बाब उरुकुट्टम यांना कळताच त्यांच्या प्रमुखांच्या बैठकीत या सर्वांवर सामाजिक बहिष्कार टाकण्याचा निर्णय घेण्यात आला. या सर्वांना समाजाच्या जुन्या परंपरा आणि प्रथेचे उल्लंघन केल्याप्रकरणी दोषी ठरवण्यात आले आहे.

ख्रिश्‍चन मिशनरींच्या आश्रमात गोमांस खाऊ घालून मुलांना धर्मांतरित करण्याचा प्रयत्न

दुसरी एक घटना गोमांसासंबंधीच आहे. मध्य प्रदेशातील (Madhya Pradesh) सागर जिल्ह्यातील एका ख्रिश्‍चन मिशनरीच्या (Christian Missionary) सेवाधाम बाल आश्रमावर (Sevadham Bal Ashram) लहान मुलांवर धर्मांतर करण्यासाठी दबाव टाकून त्यांना गोमांस खाऊ घालण्याचा आरोप आहे. विद्यार्थ्याच्या वडिलांच्या तक्रारीवरून राष्ट्रीय बाल आयोगाने (National Commission for Children) पोलिस अधीक्षकांना नोटीस बजावली असून 48 तासांत कारवाई करण्याचे निर्देश दिले आहेत. मिळालेल्या माहितीनुसार, प्रकरण 5 डिसेंबरचे आहे. सागर कॅंट पोलिस ठाण्यांतर्गत असलेल्या बररू येथील आश्रमात राहणाऱ्या मुलांना गोमांस खाऊ घातल्याचा आरोप आहे. त्यांच्या तक्रारीवरून पालक सामाजिक कार्यकर्ते ओंकार सिंग (Onkar Singh) यांच्यासह कॅंट पोलिस ठाण्यात तक्रार नोंदवण्यासाठी पोचले होते, मात्र गुन्हा (Crime) दाखल झाला नव्हता.

या प्रकरणी मध्य प्रदेशचे गृहमंत्री डॉ. नरोत्तम मिश्रा (Dr. Narottam Mishra) म्हणाले, 'सागरच्या बाल सेवाधाम आश्रमात लहान मुलांना गोमांस खायला देणे आणि त्यांना धर्मांतरासाठी प्रवृत्त करणे ही बाब निदर्शनास आली आहे. पोलिस अधीक्षक तरण नायक यांना चौकशी करण्याचे निर्देश दिले आहेत.