UP मध्ये अल्पवयीन मुलाला पाय चाटायला लावले : 7 जणांना अटक

उत्तर प्रदेश मधील रायबरेलीमध्ये दलित अल्पवयीन मुलाला, तथाकथित उच्चवर्णीय तरुणाकडुन पाय चाटायला लावल्याचा धक्कादायक व्हीडीओ समोर आलाय. उत्तर प्रदेश राज्यात जातीभेद आणि त्यातून होणाऱ्या हिंसेच्या घटना अनेकदा समोर आल्या आहेत. सोशल मीडीयावर २ मिनिटे आणि ३० सेंकदाचा व्हीडाओ व्हायरल झालाय. (Upper caste boys forced Dalit minor boy to lick their feet )

दलित समाजातील हा मुलगा जमिनीवर बसलेला असून त्याचे हात त्याच्या कानावर आहेत. शिक्षा म्हणून त्याला असं बसण्यास भाग पाडल्याचं समोर येतयं. आरोपी मोटारसायकलवर बसलेला आहे. आरोपी बरोबरचे इतर तरुण हसत आहेत. त्यांच्या हसण्याचा आवाज येताय. तर पीडीत मुलगा भीतीने थरथरतोय. एक आरोपी त्या मुलाला. “ठाकूर’ म्हणण्यास डिवचत आहे. पीडीत मुलगा हा दहावीचा विद्यार्थी आहे. तर आरोपी हे त्याच्याच शाळेतील माजी विद्यार्थी आहेत.

पोलिसांनी आतापर्यंत या घटनेत सात जणांना अटक केल्याची माहीती मिळतेय. १० एप्रिल रोजी ही घटना घडलीय. पीडीत मुलाने ही तक्रार दाखल केल्यानंतर आरोपींना अटक करण्यात आलीय. आरोपीतील बहुतेक जण उच्चवर्णीय जातीतून आहेत. मुख्य आरोपी अल्पवयीन असल्याची माहीती रायबरेलीचे पोलिस अधिक्षक श्लोक कुमार यांनी दिलीय. तर सहा आरोपींचे वय १८ वर्षांवरील आहे. वरिष्ठ पोलिस अधिकारी अशोक सिंघ यांनी, आरोपींवर गुन्हा दाखल केल्याची माहीती दिलीय.