Independence Day : 2 कोटी दीदींना लखपती बनवण्याचे लक्ष्य, स्वातंत्र्यदिनाच्या भाषणात मोदींचा महिला शक्तीचा जागर

Women Empowerment By PM Narendra Modi In Marathi:

भारताला स्वातंत्र्य मिळून ७६ वर्ष पूर्ण झाले असून आज ७७ वा स्वातंत्र्यदिन साजरा केला जात आहे. या निमित्त लाल किल्ल्यावरून जनतेला संबोधित करताना पंतप्रधान नरेंद्र मोदी यांनी महिला शक्तीचा जागर केला. यावेळी देशातील महिला ताकदीविषयी सांगत काही योजनांविषयीदेखील जाहिर केले.

महिलांना आर्थिकदृष्ट्या सक्षम करण्याचे उद्दीष्टही त्यांनी यावेळी बोलून दाखवले.

आपल्या भाषणात महिला शक्तीचा जागर करत पंतप्रधान मोदी म्हणाले, "आज भारत अभिमानाने सांगू शकतो की सर्वाधिक महिला वैमानिक भारतात आहेत. 2 कोटी करोडपती दीदींचे टार्गेट घेऊन आम्ही काम करत आहोत. महिला शक्तीला प्रोत्साहन देण्यासाठी आम्ही काम करत आहोत."

भारताला पुढे नेण्यासाठी एक अतिरीक्त शक्तीची मदत होणार आहे. ती म्हणजे देशाची महिला शक्ती आहे. संपूर्ण जगातील सर्वाधिक महिला वैमानिक भारतात आहे. चांद्रयान असो किंवा चांद्र मोहिम यातही महिला वैज्ञानिकांचे योगदान मोठे आहे. नारी शक्तीला आर्थिक सक्षमतेला प्रोत्साहन देत आहोत. जी २० मध्येही सर्व जगाने याला मान्यता देत कौतुक केले आहे. याला पाठबळही देत आहेत.