चंडीगड : अमेरिकेचे अध्यक्ष डोनाल्ड ट्रम्प यांनी अमेरिकेत बेकायदा घुसखोरी करणाऱ्या नागरिकांवर उगारलेल्या बडग्यामुळे आतापर्यंत तीनशेहून अधिक भारतीयांना मायदेशी पाठविले आहे. मात्र एजंटांनी फसवणूक करून या नागरिकांना अमेरिकेत जबरस्तीने घुसखोरी करण्यासाठी भाग पाडल्याचे उघड होत आहे. यादरम्यान अमेरिकेत जाताना या नागरिकांना साप आणि मगर असलेल्या भागातून पायी प्रवास करावा लागला आणि शीख असूनही दाढी काढावी लागली.